موٹر وے ہیلپ لائن پر تمام کالز مفت کردی گئیں

پی ٹی اے نے نیشنل ہائی وے اینڈ موٹر وے پولیس کی ہیلپ لائن 130 پر صارفین کی جانب سے کی جانیوالی تمام کالز مفت کردیں۔

پاکستان ٹیلی کمیونیکیشن اتھارٹی (پی ٹی اے) نے نیشنل ہائی وے اینڈ موٹر وے پولیس (این ایچ اینڈ ایم پی) ہیلپ لائن 130 پر کی جانیوالی تمام کالز کو مفت کردیا، صارفین سے چارجز وصول نہیں کئے جائیں گے۔

آئی جی موٹر ویز کلیم امام نے چیئرمین پی ٹی اے میجر جنرل (ر) عامر عظیم باجوہ سے پی ٹی اے ہیڈ کوارٹرز میں ملاقات کی۔ جس میں ایم -3 اور ہزارہ ایکسپریس وے سمیت مختلف موٹر ویز اور شاہراہوں پر ٹیلی کام کوریج سے متعلق امور پر تبادلہ خیال کیا گیا۔

چیئرمین پی ٹی اے کی جانب سے این ایچ اے روڈز پر سفر کرنے والے افراد اور عوام کی سہولت کیلئے نیشنل ہائی وے اور موٹر وے پولیس کو ہر ممکن تعاون کی یقین دہانی کرائی گئی۔