بھارتی ری میک سے جنون کےگانے"سیوں نی"کاحشرنشر

موسیقی کے شائقین کو 90 کی دہائی میں گایا جانے والا جنون کا گانا " سیوں نی" ضروریاد ہوگا لیکن بھارت میں اس گانے کا کچھ ایسا حشرنشر کیا گیا ہے کہ پاکستانی عوام تو ایک طرف خود بھارتی بھی صدمے میں ہیں۔

بھارت کی معروف میوزک کمپنی ٹی سیریز نے "سیو نی" کا ری میک پیش کیا ہے، معروف بھارتی گلوکار اریجیت سنگھ اور جیوتی نوران کی آوازمیں سیو نی کا یہ نیا انداز اسی نام سے بنائی جانے والی فلم میں شامل کیا گیا ہے۔

Blending the two eras together; the era of 90s and the era of #ArijitSingh and #JyotiNooran. Listen to the absolute magic #SayoneeSong,the title track of the film Sayonee.https://t.co/BsEX3N1bTa@SayoneeTheMovie #RahulRoy @tanmayssingh9 @musskansethi9

— T-Series (@TSeries) November 3, 2020

بہت سے پاکستانی گانوں کے بول اور دھنیں چرانے والی بھارتی انڈسٹری نے اس بار اجازت لے کر نقالی کی ہے اس لیے گانے کی اسی دھن کے ساتھ بولوں میں اضافہ کیا گیا ہے۔

یہ گانا اپریل 1997 میں اس وقت کے مقبول ترین راک بینڈ " جنون" نے ریلیز کیا تھا جس میں علی عظمت ، سلمان احمد اور برائن شامل تھے۔ گانے کے بول لیڈ گٹارسٹ سلمان احمد اور صابر ظفر کے تھے جبکہ اسے گایاعلی عظمت نے گایا تھا۔

ٹی سیریز کے ری میک کو لکی ناڈیا والا نے پروڈیوس کیا جبکہ نتن کمار گپتا اور ابھے سنگھال نے ڈائریکشن دی ہیں۔

گانے کی ریلیزکے فوری بعد سوشل میڈیا پرتنقید کا طوفان امڈ آیا، پاکستان کےعلاوہ بھارت سے بھی لوگوں نے اس ری میک کوشدید ناپسند کرتے ہوئے ٹویٹس کیں۔

ایک صارف نے مشورہ دیا کہ اب تو اصلی گانا بنا لو یا تمام پاکستانی ہٹ گانوں کی ہی نقالی کرنی ہے۔

کئی صارفین نے اس منافقت کی نشاندہی بھی کی جو بالی ووڈ کو پاکستانی فنکاروں کے ساتھ کام کرنے سے روکتی ہے لیکن پاکستانی گانوں کو استعمال کرنے سے نہیں روکتی۔

اصل گانا بگاڑنے پرٹی سیریز کو بھی موردالزام ٹھہرایا گیا۔

سیوں نی کا ری میک جوئے انجان نے کمپوز کیا ہے جبکہ اضافی شاعری آلوک راہی نے کی ہے۔

ٹی سیریز نے ری میک کیلئے سلمان احمد سے اجازت لی ہے اور یوٹیوب پرجنون بینڈ اور سلمان کوکریڈٹ بھی دیا گیا ہے۔