سینئر صحافی سلیم عاصمی انتقال کرگئے

وہ کئی روز سے علیل تھے
سلیم عاصمی: کراچی پریس کلب انتخابات کے دوران کا ایک منظر
سلیم عاصمی: کراچی پریس کلب انتخابات کے دوران کا ایک منظر

 

سلیم عاصمی: کراچی پریس کلب انتخابات کے دوران لی گئی ایک یادگار تصویر

سینئر صحافی اور انگریزی روزنامے ڈان کے سابق مدیر سلیم عاصمی کراچی میں انتقال کرگئے۔

اہل خانہ نے تصدیق کرتے ہوئے بتایا ہے کہ سینیر صحافی سلیم عاصمی انتقال کرگئے ہیں۔ وہ طویل عرصے سے علیل تھے۔

ان کی نماز جنازہ اور تدفین سے متعلق فیصلہ ان کے 2 بچوں کے بیرون ملک سے واپس آنے کے بعد کیا جائے گا۔

سلیم عاصمی روزنامہ ڈان کے سابق مدیر اور کراچی پریس کلب کے سابق صدر بھی رہ چکے ہیں۔ انہوں نے بطور نیوز ایڈیٹر خلیج ٹائمز میں بھی خدمات انجام دیں۔

سلیم عاصمی نہ صرف ایک بہترین صحافی تھے، بلکہ پینٹنگ کلاسیکل موسیقی کا بھی شوق بھی رکھتے تھے۔ انہیں کے دور میں ڈان کا اسلام آباد ایڈیشن شروع کیا گیا۔ وہ انسانی حقوق سے متعلق سرگرمیوں میں بھی کافی بڑھ چڑھ کر حصہ لیتے تھے۔ سلیم عاصمی نے سابق مدیر ڈان احمد علی کے بعد اخبار کے مدیر کی ذمہ داری سنبھالی اس سے قبل وہ ڈان کے نیوز ایڈیٹر تھے۔

سلیم عاصمی آزادی اظہار رائے پر پختہ یقین رکھتے تھے۔ ان کا کہنا تھا کہ معاشرے آزادی سے چلتے ہیں، پابندیوں سے نہیں۔

سلیم عاصمی کے ساتھ کام کرنے والوں کا کہنا ہے کہ وہ اپنی ذات میں ایک انجمن اور ادارے سے کم نہ تھے اور جس نے بھی ان کے ساتھ کام کیا اسے سیکھنے کا بہترین موقع ملا۔

سلیم عاصمی کے انتقال پر سینیر صحافیوں کی جانب سے دکھ کا اظہار اور اسے صحافت کیلئے بڑا نقصان قرار دیا گیا ہے۔ صحافیوں کا اپنے تعزیتی پیغامات میں کہنا تھا کہ سلیم عاصمی کے انتقال سے جو خلا پیدا ہوا ہے وہ شاید کبھی پر نہیں ہوسکے۔

JOURNALIST

FUNERAL

SALEEM ASMI

Tabool ads will show in this div