مزار قائد پر نعرے بازی غلط نہيں، خورشيد شاہ

پيپلزپارٹی کے سینیئر رہنماء خورشيد شاہ نے مزار قائد پر کيپٹن ریٹائرڈ صفدر کی نعرے بازی کو ٹھيک قرار دے ديا۔

سکھر میں میڈیا سے گفتگو کرتے ہوئے خورشید شاہ نے کہا کہ بابائے قوم کے سامنے کوئی روتا ہے اور فرياد کرتا ہے تو اس ميں غلط کيا ہے۔ اس پر اتنا بڑا ری ايکشن دکھانا افسوسناک ہے۔

انہوں نے کہا کہ غلط روتے ہيں یا ٹھيک روتے ہيں یہ الگ بات ہے۔

پیپلزپارٹی رہنماء کا کہنا تھا کہ اپوزیشن اور حکومت ایک پیج پر نہيں کیونکہ پیج ہی پھٹ گیا ہے۔ یہ بھی کہا کہ عمران خان  شروع سے کپتان رہے ہیں اس لیے آرڈر دینا ان کی عادت ہے۔