بلال مقصودکس کانام"حلیمہ سلطان"رکھناچاہتے ہیں؟
تصویر: سماء ڈیجیٹل
پاکستان میں تُرک ڈرامہ سیریل "ارطغرل غازی" کو بیحد پسند کیا جاتا ہے، ان مداحوں میں گلوکار بلال مقصود بھی شامل ہیں جو اپنے کاک ٹائل برڈ کا نام " حلیمہ سلطان " رکھنے کا سوچ رہے ہیں۔
انسٹاگرام پر تاجدار طوطی کی تصویرپوسٹ کرتے ہوئے بلال نے فالوورز سے رائے مانگ لی کہ وہ ایسا کریں یا نہیں۔
انہوں نے کیپشن میں لکھا " میں اس کا نام حلیمہ سلطان رکھنے کا سوچ رہا ہوں لیکن میری فیملی کا کہنا ہے کہ نہیں ، تم ایسا نہیں کرسکتے، آپ لوگ کیا کہتے ہیں؟"۔
بلال نے ہیش ٹیگز کے ساتھ " حلیمہ سلطان " اور " سنگل" بھی لکھا۔
زیادہ تر فالوورز نے محظوظ ہوتے ہوئے اثبات میں جواب دیا۔ ایک صارف نے کہا کہ سلطان یا سلطانہ ہی رکھ لیں تو دوسرے نے لکھا کہ "حورم سلطانہ" بھی کہا جاسکتا ہے۔ کسی نے لکھا " رضیہ سلطانہ" نام رکھ لیں۔
ایک اور صارف نے ہنستے ہوئے ایموجی کے ساتھ لکھا " میں اسے پیار سے ایسرا کہوں گی"، جو کہ حلیمہ سلطان کا اصل نام ہے۔
ڈرامہ "ارطغرل غازی" وزیراعظم عمران خان کی ہدایت پرپاکستان میں یکم رمضان المبارک سے سرکاری ٹی وی پراردو ڈبنگ کے ساتھ نشر کیا جا رہا ہے۔ڈرامے میں 13ویں صدی میں سلطنت عثمانیہ کے قیام سے قبل اسلامی فتوحات کا سلسلہ دکھایا گیا ہے۔
حلیمہ سلطان کا کردار ادا کرنے والی ایسرا بالجیک کیوموبائل اور پاکستان میں ٹیلی کام سروس پروائیڈرجازکی ابرانڈ ایمبیسڈر مقررکی جا چکی ہیں جبکہ انہیں پاکستان سپرلیگ میں پشاور زلمی کا برانڈ ایمبیسڈر بنائے جانے کی اطلاعات بھی سرگرم ہیں۔
Bilal Maqsood
Ertugrul Ghazi
HALIMA SULTAN
