لندن:نوازشریف کی تقریرکےدوران "گونوازگو"کےنعرے

مظاہرہ حسن نواز کی رہائشگاہ کے باہرکیاگیا
Sep 28, 2020
[video width="640" height="360" mp4="https://i.samaa.tv/wp-content/uploads/sites/11//usr/nfs/sestore3/samaa/vodstore/urdu-digital-library/2020/09/UK-NAWAZ-PROTEST-GO-NAWAZ-GO-NAT-27-09.mp4"][/video]

نواز شریف کی آل پارٹيز کانفرنس ميں تقرير کے خلاف لندن میں ان کی رہائش گاہ کے باہر پاکستانی نژاد شہريوں نے احتجاج کيا ہے۔

ایون فیلڈ اپارٹمنٹ کے باہر موجود شہریوں نے سابق وزیراعظم میاں محمد نواز شريف کے خلاف نعرے بھی لگائے۔ شرکا کئی گھنٹے تک " گو نواز گو" کے نعرے لگاتے رہے۔ کچھ شرکا نے پلے کارڈ بھی اٹھائے ہوئے تھے۔

شرکا کا کہنا تھا کہ وہ گزشتہ ہفتے 20 ستمبر کو اسلام آباد میں ہونے والی آل پارٹی کانفرنس میں نواز شریف کی تقریر کے خلاف احتجاج کر رہے ہیں۔ مظاہرین کئی گھنٹوں تک لندن میں نواز شریف کے صاحبزادے حسن نواز کی رہائش گاہ کے باہر موجود رہے۔

کسی بھی ممکنہ صورت حال سے نمٹنے کیلئے پولیس کی نفری بھی ایون فیلڈ اپارٹمنٹ کے باہر موجود رہے۔ واضح رہے کہ اس سے قبل بھی لندن میں حسن نواز کی رہائش گاہ کے بابر برطانیہ میں مقیم کمیونٹی کی جانب سے احتجاج کیا گیا تھا۔

واقعہ سے متعلق ن لیگی قیادت کا کہنا تھا کہ ان مظاہروں اور احتجاج کے پیچھے پی ٹی آئی اور اس کی ساتھی جماعتیں ہیں، تاہم تحریک انصاف کی جانب سے ہمیشہ ان مظاہروں اور احتجاج سے لاتعلقی کا اظہار کیا گیا ہے۔

Tabool ads will show in this div