عدنان صدیقی کا بانسرین کی دھن پرپاک فضائیہ کوخراج تحسین

اداکارعدنان صدیقی منجھے ہوئے اداکارہونے کے موسیقی سے بھی گہرا شغف رکھتے ہیں، انہوں نے ملکہ ترنم کا مشہورگیت بانسری کی دھن پر پیش کرکے پاک فضائیہ کے جوانوں کو خراج تحسین پیش کیا۔

ملکہ ترنم نے 65 کی جنگ کے دوران متعدد نغمے گاکر فوجی جوانوں کا خون گرمایا ، عدنان صدیقی نے انہی کا گایا ہوا مشہور نغمہ " اے وطن کے سجیلے جوانوں " بانسری پر بجایا جس کی ویڈیو خوب وائرل ہورہی ہے۔

View this post on Instagram

. . Our men in blues—fearless, gallant, invincible—are the real heroes of our skies. Their indomitable spirit, unyielding devotion towards Pakistan and gritty resolve to guard this beautiful country, inspires patriotic fervour in us everyday. They tell us that there is no glory, no pride greater than the nation. As a tribute to these magnanimous superheroes on Youm-e-Fizaya, a very small gesture from me—flute rendition of the very moving Ae Watan Ke Sajeele Jawaano by Mallika-e-Tarannum Noorjehan. I get goosebumps every time I listen to this song, and playing it was equally overwhelming. Our lionhearts, this one is only for you! Thank you for everything.? . . . #pakistanzindabad?? #pakistanairforce ??

A post shared by Adnan Siddiqui (@adnansid1) on Sep 7, 2020 at 3:52am PDT

انسٹا پرویڈیو شیئرکرنے والے اداکارنے کیپشن میں لکھا کہ یوم فضائیہ پر جوانوں کو ملکہ ترنم کے اس گانے سے چھوٹا سا خراج تحسین پیش کر رہے ہیں۔

اداکارکے فالوورزنے پوسٹ پر کیے جانے والے تعریفی تبصروں میں ان کی اس کاوش کی تعریفیں کیں۔

انہوں نے لکھا پاک فضائیہ کے جوانوں کی قربانی کا اعتراف کرتے ہوئے لکھا "ہمارے نوجوان بہادر اور وطن پر قربان ہوتے ہیں اور وہی ہمارے آسمانوں کے سچے ہیرو ہیں۔ ان کی وطن سے بے لوث محبت اورقربان ہونے کا جذبہ ہمیں پیغام دیتا ہے کہ ان جوانوں کیلئے وطن کی شان و شوکت سے آگےکچھ نہیں" ۔

عدنان صدیقی اس سے قبل بھی بانسری پر بہت سی دھیں بجا چکے ہیں، ڈرامہ " میرے پاس تم ہو" کے ٹائٹل سونگ کی دھن کو خوب پسند کیا جبکہ ہارمونیم پر" سوہنی دھرتی" گاتے ہوئے بھی شائقین نے انہیں خاصا سراہا۔