تحریک انصاف کیلئےآنےوالےدنوں میں مشکلات نہیں،شیخ رشید
وزیرریلوے شیخ رشید احمد نے کہا ہے کہ تحریک انصاف کیلئےآنےوالے دنوں میں مشکلات نہیں ہیں، عمران خان ہرمسئلےپرعبوررکھتےہیں،دوسال میں بہت کچھ سیکھاہے، یہ اپوزیشن صرف جلسےجلوسوں تک ہی ہے۔
جمعرات کوسماء کےپروگرام نیا دن میں بات کرتےہوئےوفاقی وزیرریلوےشیخ رشیداحمد نے بتایا کہ بیماری کےباعث کتاب کوچار پانچ سوصفحات پرختم کردیا،6ستمبرکوکتاب کی رونمائی ہے اور وہ مارکیٹ میں پہلےسےآگئی ہے۔ اپنی کتاب سے متعلق شیخ رشید نے مزید بتایا کہ کتاب میں نوجوانوں کوپیغام دیاہےکہ محنت سےوہ بھی نام کماسکتےہیں،کتاب میں اپنی سیاسی جدوجہدکےبارے میں بھی لکھاہے،ایک اورکتاب اپنی ریٹائرمنٹ کےقریب لکھوں گا۔
شیخ رشید کا کہنا تھا کہ دھرنےکے126دن بڑے تکلیف دہ تھے،دھرنامہنگااورجان لیوا ہوتاہے۔وزیرریلوےنے کہا کہ خبر اور میں ہمیشہ ہمیشہ ساتھ ساتھ رہےہیں،آج کی اور بچپن کی سیاست میں بہت فرق ہے،آج کےدور میں سیاست بہت آسان ہے کیوں کہ آج کے زمانے میں میڈیا بہت زیادہ ہوگیا ہے اور کوئی کچھ بھی کہہ سکتاہے۔
شیخ رشیدنے اپنی وزارت سے متعلق بتایا کہ ایم ایل ون کےتحت ڈبل ٹریک نیا بنےگا، ایم ایل ون منصوبہ اس ہی حکومت کی مدت میں پورا ہوجائےگا۔ انھوں نے افسوس کا اظہار کیا کہ دنیا بلٹ ٹرین پر چلی گئی ہماری ٹرین مزید تنزلی کی طرف چلی گئی۔
متعلقہ خبر:۔پی ٹی آئی کےلوگ گندےکپڑےٹی وی پرنہ دھوئیں،شیخ رشید
shaikh rasheed ahmed
