پاکستان

پاکستان کوکبھی تنہانہیں چھوڑینگے،سعودی سفیر،راحیل شریف ملاقات

ملاقات میں خطے کی صورتحال پر بھی گفتگو

ویب ڈیسک Aug 16, 2020

بشکریہ سعودی سفارت خانہ

پاکستان میں سعودی سفیر نواف بن سعید احمد المالکی کا کہنا ہے کہ نہ کبھی پہلے پاکستان کو تنہا چھوڑا، نہ کبھی تنہا چھوڑیں گے۔

پاکستان میں موجود سعودی سفیر نواف بن سعید احمد المالکی نے ہفتہ 15 اگست کو پاکستان کے سابق آرمی چیف راحیل شریف سے ملاقات کی۔ ملاقات میں دوطرفہ دلچسپی کے امور سمیت دیگر اہم موضوعات پر گفتگو ہوئی۔

#اسلام_آباد | التقى سعادة سفير خادم الحرمين الشريفين لدى #باكستان @AmbassadorNawaf خلال زيارته لمدينة #لاهور بقائد الجيش الباكستاني السابق معالي الفريق أول متقاعد رحيل شريف، وجرى خلال اللقاء تبادل الأحاديث الودية وبحث الملفات ذات الاهتمام المشترك بين الجانبين. pic.twitter.com/UUOb1EZx9J
— السفارة في باكستان - سعودی سفارت خانہ (@KSAembassyPK) August 15, 2020

دونوں رہنماؤں کے مابین ملاقات میں خطے کی صورت حال پر بھی گفتگو کی گئی۔ اس موقع پر سعودی سفیر کا کہنا تھا کہ نہ کبھی پہلے پاکستان کو تنہا چھوڑا اور نہ کبھی پاکستان کو تنہا چھوڑیں گے۔

قبل ازیں سعودی سفیر نے سپہ سالار جنرل قمر جاوید باجوہ، مولانا فضل الرحمان، وزیراعلیٰ پنجاب سردار عثمان بزادر سمیت دیگر سیاسی شخصیات سے بھی ملاقاتیں کیں۔

یہاں یہ بات بھی قابل ذکر ہے کہ سعودی سفیر کی جانب سے حالیہ اہم ملاقاتوں کو ان کے ملک کیلئے حمایت متحرک کرنے کی کوشش کے طور پر دیکھا جارہا ہے۔

دوسری جانب پاکستان علما کونسل کے رہنما حافظ طاہر اشرفی نے بھی دونوں ممالک کے درمیان تعلقات کی مستقل بہتری کیلئے گزشتہ ہفتے سعوی عرب کا دورہ کیا۔