آن لائن گیم پرپابندی رہےگی،پاکستان ٹیلی کمیونیکیشن اتھارٹی

آن لائن گیم پب جی پر پابندی سے متعلق پاکستان ٹیلی کمیونیکیشن اتھارٹی نے وجوہات پرمبنی تفصیلی فیصلہ جاری کردیا ہے۔

اس فیصلےمیں واضح کیا گیا ہے کہ پب جی سےنوجوانوں کےذہنوں پر منفی اثرات مرتب ہورہے ہیں۔ پابندی کا فیصلہ تمام فریقین کوسننے کےبعدکیا گیا ہے۔

اسلام آباد ہائیکورٹ نےگیم پر پابندی کا یکم جولائی کا حکم نامہ معطل کرتے ہوئے پی ٹی اے کو تمام درخواستوں پر7 دن میں تفصیلی وجوہات کے ساتھ فیصلہ دینے کا حکم دیا تھا۔

پی ٹی اے نےاپنےفیصلےمیں کہا ہے کہ اتھارٹی اس نتیجے پر پہنچی ہےکہ پب جی کے تباہ کن اثرات ہیں۔ واضح رہے کہ اسلام آباد ہائیکورٹ نے گیم پر عارضی پابندی کا نوٹیفکیشن کالعدم قراردے دیا تھا۔عدالت نے پی ٹی اے کو وجوہات کیساتھ تفصیلی حکمنامہ جاری کرنےکا حکم دیا تھا۔