شہزاد رائےسے ٹوپی کی ایک نئی قسم جانیے

اخبار بینی کا شوق رکھنے والے حضرات کے پیش نظر حالات حاظرہ سے باخبررہنا ہوتا ہے لیکن گلوکار شہزاد رائے نے اخبارپڑھنے کے بعد اس کا ایک منفرد استعمال بھی اپنے فالوورز کیلئے شیئرکیا ہے۔

گلوکار نے ٹوئٹر پر اپنی ایک اسٹائلش سی تصویر شیئر کی جس میں ترچھی ٹوپی پہنے ہوئے ہیں لیکن یہ کوئی کاؤ بوائے ہیٹ نہیں بلکہ اخبار سے بنی ٹوپی ہے۔

شہزاد رائے نے کیپشن میں لکھا ’’ نیوز پیپر کی ٹوپی‘‘۔

News paper ki topi pic.twitter.com/Zcqj9EAmCx

— Shehzad Roy (@ShehzadRoy) July 24, 2020

گو انہوں نے اپنے اس اچھوتے خیال سے متعلق کوئی وضاحت تو نہیں کی لیکن آنکھوں سے چھلکتی شرارت اور زیرلب مسکراہٹ نے شاید ان کے فالوورز کو بہت کچھ سمجھا دیا ہے۔

بیشترنے ان کی اس ٹویٹ کے تانے بانے سیاست اور صحافت سے جا ملائے لیکن شہزاد رائے کی سدا بہار شخصیت بھی خوب زیربحث آئی۔

ایک صارف نے شہزادرائے کی فٹنس پر حیرت کا اظہار کرتے ہوئے لکھا ’’ بھائی آپ کھاتے کیا ہیں؟ میں اسکول میں تھا جب آپ نے ’’یارب‘‘ گایا اور آپ ابھی بھی بالکل ویسے ہی ہیں۔ تکنیکی طور پرتو مجھے آپ کو انکل کہنا چاہیے لیکن کہتے ہوئے شرمندگی ہوتی ہے‘‘۔