کراچی میں بجلی کی لوڈشیڈنگ،نیپراتحقیقاتی کمیٹی کی رپورٹ مکمل

کراچی میں بجلی کی بدترین لوڈشیڈنگ پرنیپرا تحقیقاتی کمیٹی نے رپورٹ مکمل کرلی ہے۔

نیپرا کی فیکٹ فائنڈنگ کمیٹی آج اپنی رپورٹ اتھارٹی کو پیش کرے گی۔ 4 رکنی تحقیقاتی کمیٹی نے 4 روز تک لوڈشیڈنگ کی تحقیقات کیں۔ نیپرا اتھارٹی رپورٹ کی روشنی میں کارروائی کرے گی۔ کمیٹی نے کےالیکٹرک کے ترسیلی نظام کا بھی جائزہ لیا۔تحقیقاتی ٹیم نے کےالیکٹرک آفس اور پاور پلانٹس کا بھی دورہ کیا،دورے کے دوران ٹیم نے فرنس آئل کی طلب و رسد کے اعدادوشمار کیساتھ کےالیکٹرک کے ترسیلی نظام کا بھی جائزہ لیا۔ تحقیقاتی ٹیم اہم ریکارڈ اور شواہد لے کر جمعرات کواسلام آباد پہنچی تھی۔