قومی کرکٹ ٹیم کی ووسٹرشائر میں ٹریننگ جاری

کھلاڑی پر عظم
Jul 01, 2020

پاکستان کرکٹ ٹیم نے کرونا وائرس ٹیسٹ منفی آنے کے بعد انگلینڈ کے میدانوں میں ٹریننگ کا آغاز کردیا ہے۔

پاکستان کرکٹ ٹیم نے انگلینڈ کیخلاف ٹیسٹ اور ٹی 20 سیریز کے لئے ووسٹر شائر میں بیٹنگ، بالنگ اور فیلڈنگ کی پریکٹس کی۔

پاکستان کرکٹ ٹیم کے میڈیا ونگ سے جاری اطلاعات کے مطابق نیٹ پریکٹس کے دوران بالنگ کوچ وقار یونس بالرز کے ہمراہ دکھائی دیئے۔ انہوں نے کھلاڑیوں کو مشورے بھی دیئے۔

بیٹنگ کوچ یونس خان کا کہنا تھا کہ ٹیم کے ساتھ دوبارہ جڑنے پر اچھا لگ رہا ہے، امید ہے کہ ٹیم اچھا کھیل پیش کرے گی، نوجوان کھلاڑیوں سمیت پوری ٹیم سے بہت امیدیں ہیں۔ ہیڈ کوچ مصباح الحق نے کہا کہ میدان میں واپسی پر سب کھلاڑی پرجوش ہیں۔

قومی ٹیم کے بیٹسمین شان مسعود نے کہا کہ یہ آغاز ہے، خواہش ہے کہ دورہ انگلینڈ ہمارے لیے اچھا ہو۔ پی ایس ایل کے بعد اب 3ماہ بعد کھیل رہے ہیں۔

ENGvPAK

Tabool ads will show in this div