دادو:مخدوم بلاول کےقریب انڈس ہائی وے ٹریفک حادثہ،3افرادجاں بحق

دادو میں مخدوم بلاول کے قریب انڈس ہائی وے پر کار اور ٹرک میں تصادم سے 3 افراد جاں بحق اور 4 زخمی ہوگئے۔

ریسکیو حکام کے مطابق جمعرات کی صبح ہونے والا حادثہ تیز رفتاری کے باعث پیش آیا۔ حادثے کا شکار گاڑی کراچی سے میہڑ جارہی تھی۔ حادثے کے نتیجے میں گاڑی میں سوار 3 افراد موقع پر ہی جانبحق جبکہ 4 شدید زخمی ہوئے۔

جاں بحق افراد کی لاشوں اورزخمیوں کواسپتال منتقل کردیا گیا۔جاں بحق ہونے والوں میں غلام علی جتوئی،منصورجسکانی اورعلی خان شامل ہیں۔حادثے کے زخمی عمران،محبوب، امتیاز اور قاسم کی حالت تشویشناک ہے۔