کراچی:ایس اوپیزکی خلاف ورزی پربیوٹی پارلرز کو نوٹس

کارروائی ڈیفنس اور کلفٹن میں کی
Jun 14, 2020

کراچی میں ڈپٹی کمشنر جنوب نے ایس او پیز پر عمل نہ کرنے پر ڈیفنس اور کلفٹن میں قائم بیوٹی پارلز اور اسپا کے خلاف کارروائی کی۔

مائیکرو بلاگنگ سائٹ پر جاری بیان کے مطابق ڈپٹی کمشنر جنوب نے ہفتہ کے روز کارروائی کرکے مختلف بیوٹی پارلرز اور اسپا سینٹرز کو بند کرا دیا۔

ڈپٹی کمشنر کی جانب سے کارروائی ڈیفنس اور کلفٹن کے علاقوں میں کی گئی۔ ڈپٹی کمشنر کا کہنا تھا کہ محکمہ داخلہ کے حکم کے مطابق حالیہ صورت حال میں بیوٹی پارلرز اور اسپا سینٹرز کو کام کی اجازت نہیں۔

ڈپٹی کمشنر کا مزید کہنا تھا کہ ایسا کرنے سے یہ لوگ صارفین کی جانوں کو خطرے میں ڈال رہے ہیں۔

Beauty Parlour