صوبے کے اسپتالوں میں بستروں،وینٹی لیٹرزکی کمی نہیں،اجمل وزیر

خیبر پختونخوا کے وزیر صحت اجمل وزیر کا کہنا ہے کہ صوبے کے اسپتالوں میں بستروں اور وینٹی لیٹرز کی کمی نہیں ہے۔

پشاور میں پریس کانفرنس سے خطاب میں خیبر پختونخوا کے مشیرِ اطلاعات اجمل وزیر کا کہنا ہے کہ اسپتالوں میں بیڈز اور وینٹی لیٹرز کی کمی نہیں ہے۔ ہم نے کاروبار میں جو نرمی کی ہے وہ ایس او پیز سے مشروط ہے۔

انہوں نے کہا کہ عوام کی حفاظت کے لیے ہر ممکن اقدامات کیے ہیں، جہاں ایس او پیز کی خلاف ورزی ہوگی وہاں کارروائی کی جائے گی۔ مشکل وقت میں ہمیں اس وقت مشکل فیصلے کرنے ہیں، ایس او پیز کی خلاف ورزی سے نظامِ صحت پر بوجھ بڑھ جائے گا۔

مشیر اطلاعات کا مزید کہنا تھا کہ ہم نہیں چاہتے ہیں کہ سختی کریں لیکن مجبوری ہے کہ اس وباء کو شکست دینی ہے۔ کرونا وائرس کی وباء کے مشکل حالات میں اوور سیز پاکستانیوں کو اکیلا نہیں چھوڑیں گے۔