وزیراعظم کاہیلتھ ورکرز کے کروناوائرس کا شکار ہونے کا نوٹس

حفاظتی منصوبہ ترتیب دینے کی ہدایت

وزیراعظم نے ڈاکٹرز اور دیگر طبی عملے کے کرونا وائرس کا شکار ہونے کا نوٹس لیتے ہوئے ہدایت کی کہ ہیلتھ ورکرز کی حفاظت کیلئے فول پروف منصوبہ ترتیب دیا جائے۔

وزیراعظم عمران خان نے ڈاکٹرز اور پیرامیڈیکل اسٹاف کے کورونا وائرس سے متاثر ہونے کا نوٹس لیتے ہوئے ہنگامی حفاظتی پلان طلب کرلیا۔ وزارت صحت اور این ڈی ایم اے کے حکام  وزیراعظم کو اس حوالے سے بریفنگ دیں گے۔

وزیراعظم عمران خان نے کہا ہے کہ ڈاکٹرز اور پیرا میڈیکل اسٹاف ہمارے ہیرو ہیں۔ ان کی حفاظت کیلئے فول پروف پلان ترتیب دے کر رپورٹ پیش کی جائے۔

واضح رہے کہ مناسب انتظامات نہ ہونے کے باعث اب تک سیکڑوں ہیلتھ ورکرز کرونا وائرس کا شکار ہوچکے ہیں جبکہ درجنوں ڈاکٹرز جان کی بازی ہار چکے ہیں۔

PM IMRAN KHAN

Tabool ads will show in this div