مریم نواز کی ٹوئٹر پر دھاڑ، "شیر آ نہیں رہا، شیر آ گیا" ہے

  لاہور : قومی اسمبلی کے حلقہ این اے ایک سو بائیس کے نتائج مکمل ہونے سے پہلے ہی ن لیگی رہنماوں نے کامیابی کے بگل بجانے شروع کردیئے، اور فتح کا اعلان کیا، وزیراعظم نواز شریف کی صاحبزادی نے تو یہ تک کہہ دیا کہ شیر آ نہیں رہا، شیر آگیا ہے۔ بس پھر کیا تھا ن لیگی کارکنوں نے فتح کے شادیانے بجانے شروع کر دئیے۔ لاہور کے حقلہ این اے 122 کے انتخاب میں فتح کا یقین ہوتے ہی مسلم لیگ نواز کے لیڈر اور کارکن سوشل میڈیا پر جذباتی ہو کر فارم میں آگئے، سب سے پہلے فرنٹ لائن سے لیڈ کرتے وزیراعظم کی صاحبزادی نے ٹویٹس کیں۔

SHER AA NAHI RAHA, SHER AA GAYA HAI ....✌️????

— Maryam Nawaz Sharif (@MaryamNSharif) October 11, 2015

مریم نواز نے اپنی پہلی ٹوئٹ میں کہا کہ دیکھو دیکھو کون آٓیا، دوسرے ٹویٹ میں کہا شیر آ نہیں رہا شیر آٓ گیا ہے اور تیسرے ٹویٹ میں ان کا کہنا تھا کہ  لاہور کے شیرو تم نے تباہی، گالیوں اور الزامات کی سیاست کا خاتمہ کر دیا ہے۔ آؤ اللہ کے حضور سجدہ شکر بجا لائیں۔ مریم نواز نے اپنی چوتھی ٹویٹ میں کہا کہ میں نے پاکستان کی تاریخ کے اس سب سے زیادہ مبالغے سے بھرپور انتخاب کے دوران میاں نواز شریف کو ایک لمحے کیلئے بھی خوفزدہ یا دل گرفتہ نہ دیکھا۔ سردار ایاز صادق نے بھی اپنی ٹویٹ کے ذریعے عوام کا شکریہ ادا کیا ہے، ایاز اور مریم کی دیکھا دیکھی عابد شیر علی اور خواجہ آصف نے بھی فتح کے پیشگی اعلانات کر ڈالے۔

GOD b praised... IK bowled out for the 4th time in NA122 ... sharam tum ko magar nahin aati. ... — Khawaja M. Asif (@KhawajaMAsif) October 11, 2015

سماء سے خصوصی گفت گو میں طلال چوہدری نے بڑے وثوق سے اپنے ذرائع کا حوالہ دیتے ہوئے فتح کا اعلان کیا۔ سماء