کرونا کی دوا،ملٹی نیشنل کمپنی نےپاکستان کولائسنس دےدیا،ظفرمرزا

معاون خصوصی برائے صحت ڈاکٹر ظفر مرزا نے بتایا ہے کہ ملٹٰی نیشنل کمپنی نےپاکستان کو کرونا کی دوا تیار کرنے کا لائسنس دے دیا ہے،پوری دنیا میں صرف 5 ملکوں کو لائسنس دیا گیا ہے،اس دوائی کو پاکستان کی فارما کمپنی بھی بناسکے گی،یہ دوائی ٹیکے کی صورت میں ہوگی، پاکستان میں امریکی دوائی کی دستیابی کیلئےاقدامات کررہےہیں۔

جمعہ کو اسلام آباد میں پریس کانفرنس کرتے ہوئے معاون خصوصی برائے صحت ظفر مرزا نے بتایا کہ کرونا سے بچاؤ کی دوا 6سے8ہفتے کے دوران پاکستان میں بنائی جائے گی،یہ دوائی پاکستان سے127سے ممالک میں سپلائی کی جائے گی۔

ظفر مرزا نے یہ بھی بتایا کہ دوائی کوپاکستان لانےکیلیےوزیراعظم کی ملٹی نیشنل کمپنی سے بات ہوئی ہے،ملٹٰی نیشنل کمپنی نے پوری دنیا میں صرف 5 ملکوں کو لائسنس دیا ہے،اس دوائی کوپاکستان کی فارما کمپنی بھی بناسکے گی،یہ دوائی ٹیکےکی صورت میں ہوگی۔

ظفرمرزا نے مزید بتایا کہ کرونا نیا وائرس ہے،اس کی اب تک کوئی ویکسین نہیں،اس کی ویکسین بنانے کیلیے ریسرچ کی جارہی ہے،اس کی ایک دوائی بنائی گئی ہے، جس کا امریکا میں تجربہ کیا گیا ہے،امریکا میں دوائی کے استعمال سے30 فیصد مریض صحتیاب ہوئے ہیں۔

معاون خصوصی کا کہنا تھا کہ کروناکےخلاف فرنٹ لائن ورکرزکا تحفظ ضروری ہے،طبی عملے کی تربیت کیلیے وڈیو بنائی گئی ہے،ویڈیو کرونا مریض کاعلاج کرنےوالےطبی عملےکیلیےمددگارہوگی اور مریضوں کیلئےفیس ماسک کااستعمال ضروری ہے۔