اظہر علی کا بیٹ اور شرٹ 22 لاکھ میں نیلام

ٹيسٹ کپتان اظہر علی نے اپنا بيٹ اور ٹی شرٹ 22 لاکھ روپے ميں فروخت کردی، رقم کرونا وائرس سے متاثرہ افراد کی مدد پر خرچ کی جائے گی۔

پاکستان ٹیسٹ کرکٹ ٹیم کے کپتان اظہر علی نے اپنا بیٹ اور ٹی شرٹ 22 لاکھ روپے میں فروخت کردیا، اپنی کٹ کی یہ دونوں چیزیں انہوں 300 رنز کی یادگار اننگز میں استعمال کی تھیں۔

پاکستانی کپتان کا بیٹ بھارتی میوزیم نے 10 لاکھ روپے میں خریدا جبکہ اظہر علی کی ٹی شرٹ کيليفورنيا کے ايک شہری نے 11 لاکھ روپے ميں خریدی۔

I would like 2 announce the winners of auction @BladesOf_Glory got the bat for 1 million and Mr Kash Villani from California got the CT shirt for 1.1 million congrats and thank u 4 your support.Also like to thank Mr Jamal khan from new jursey who donated 10% of the highest bid.

— Azhar Ali (@AzharAli_) May 6, 2020

اظہر علی نے ٹوئٹ ميں بتايا کہ نيو جرسی ميں مقيم ايک پاکستانی نے متاثرہ افراد کی مدد کيلئے ايک لاکھ روپے عطيہ کئے ہیں، ٹيسٹ کپتان نے گزشتہ ہفتے اپنی شرٹ اور بيٹ نیلامی کيلئے پيش کئے تھے۔