جھنگ، رمضان سے قبل کھجور کی قیمتوں میں اضافہ

جھنگ میں رمضان کی آمد سے قبل کھجور کی قیمتوں میں من مانا اضافہ کر دیا گیا۔

ہول سیل مارکیٹ میں ایرانی کھجور کی قیمت 7ہزار روپے سے بڑھ کر 12ہزار روپے فی من تک پہنچ گئی ہے۔

شہریوں کا کہنا ہے کہ 50 روپے پاؤ میں فروخت ہونے والی ایرانی کھجور 100 روپے پاؤ میں فروخت کی جا رہی۔ رمضان میں چیزیں سستی ہونی چاہیئے۔

دکانداروں کا کہنا ہے کہ آئندہ دنوں میں کھجور کی قیمت میں مزید اضافہ ہوسکتا ہے۔

واضح رہے کہ رمضان کی آمد سے قبل ملک میں منافع خور سرگرم ہوجاتے ہیں جس کی وجہ سے قیمتوں میں اضافہ ہوتا ہے۔