اداکارہ نادیہ جمیل میں بریسٹ کینسر کی تشخیص

معروف اداکارہ اورسماجی کارکن نادیہ جمیل بریسٹ کینسر میں مبتلا ہوگئیں۔

اداکارہ نے یہ افسوسنا ک اطلاع اپنے فالوورز کو سماجی رابطوں کی ویب سائٹ ٹوئٹر پر خود دی۔ نادیہ نے لکھا ’’ گزشتہ ہفتے کینسر کی تشخیص ہوئی ، اب 4 روزسے اس بیماری کا علاج کروارہی ہوں‘‘۔

اپنے احساسات بتاتے ہوئے نادیہ نے لکھا ’’پچھلے کچھ دن سے مختلف احساسات سے دوچارہوں۔ خدشات، خوف، پرسکون رہنے کیلئے ناقابل شکست محبت، قبولیت ، صبر، بہت زیادہ احساس تشکراورمیرے 2 بچوں، والدین، پیاروں ، اپنے آپ اور آپ سب کیلئے گہرا احساس ذمہ داری ‘‘۔

Last week I ws diagnosed w cancer. Nw 4 days in2 treatment. In th last few days hv felt all sorts of feelings frm apprehension,fear, unbeatably huge love 2 calm,acceptance,patience,overwhelming gratitude & a deep sense of responsibility 2 my children,parents,loved ones,myself,you

— Nadia Jamil (@NJLahori) April 3, 2020

ایک اورٹویٹ میں نادیہ نے بتایا کہ ان کا کینسرپہلی اسٹیج اورٹیومرگریڈ 3 کا ہے۔ اداکارہ نے خواتین کو پیغام دیا کہ باقاعدگی سے چیک اپ کروانا ضروری ہے، کبھی بھی اپنے جسم اور صحت کو نظرانداز نہ کریں۔

انہوں نے لکھا ’’ اب میں اپنی سرجری کی تاریخ کا انتظارکررہی ہوں اوربہت مثبت محسوس کر رہی ہوں۔ فکر نہ کریں اور اپنا خیال رکھیں ‘‘؟۔

Its stage 1 breast cancer/grade 3 tumour.Regular self checks are important ladies!Please act fast if you feel any abnormalities. Do NOT ever ignore your body,your health. I now await my surgery date & am feeling positive & loved. Please dont worry & take good care of yourselves❤️

— Nadia Jamil (@NJLahori) April 3, 2020

نادیہ کی ٹویٹس کے بعد سوشل میڈیا صارفین کی جانب سے ان کی صحتیابی کیلئے دعائیہ ٹویٹس اورنیک خواہشات کا اظہارکیا جارہا ہے۔

ایک صارف نے اپنی ٹویٹ میں اس بیماری کی علامات سے متعلق استفسار کیا جس پر نادیہ جمیل نے بتایا کہ وہ باقاعدگی سے چیک اپ کراتی ہیں۔ گلٹی محسوس ہونے کے بعد وہ ڈاکٹر کے پاس گئیں، اسپتال میں ان کا اسکین، ٹیسٹ اور بائیوپسی ہوئے جن سے بریسٹ کینسر کی تشخیص ہوئی۔

As I shared dear Putar Ji,I do regular checkups as all ladies should after a certain age.When I felt a lump I immediately went 2 my GP who referred me 2 a hospital. Scans,tests,biopsy later I was diagnosed :)

Please encourage all ladies over the age of 40 in your family 2 check https://t.co/iHAdX7jvpa — Nadia Jamil (@NJLahori) April 3, 2020

ادیہ نے حال ہی میں کافی عرصہ بعد ڈرامہ ’’دمسہ ‘‘ کے ذریعے ٹی اسکرین پرواپسی کی ہے، ڈرامے کی کہانی بچوں کی اسمگلنگ سے متعلق ہے جس کی کہانی اسماء نبیل نے تحریر کی ہے جبکہ نجف بلگرامی ڈائریکٹر ہیں ۔