پاکستان کے رہنماؤں کو تعلیم کے فروغ میں کردار ادا کرنا چاہئے، ملالہ

لندن : ملالہ يوسف زئي نے ایک بار پھر سياستدان بن کر ملک کي خدمت کا عزم ظاہر کیا ہے، ملالہ کا کہنا ہے کہ اصل مقصد نوبل انعام حاصل کرنا نہيں بلکہ تعليم کا شعور بیدار کرنا ہے۔ لندن میں تقریب سے خطاب میں ملالہ یوسف زئی کا کہنا تھا کہ سوات کو بہت مس کرتي ہوں، بہت جلد پاکستان جاؤں گي، انہوں نے کہا کہ سياست دان بن کر ملک کي خدمت کرنا چاہتي ہوں، ملکی رہنماؤں کو تعليم کے فروغ ميں کردار ادا کرنا چاہيے۔ انہوں نے کہا کہ میرا مشن نوبل انعام حاصل کرنا نہيں، بلکہ تعليم کا شعور بيدار کرنا ہے، ایک سوال کے جواب میں ملالہ نے معصومانہ شکل بنا کر کہا کہ ہوم ورک کرنا مشکل کام لگتا ہے، مگر والد اور فيملي نے ہميشہ سپورٹ کيا۔ پاک بھارت تعلقات پر ملالہ نے کہا کہ بھارت کے ساتھ بہتر تعلقات کي خواہاں ہوں۔ سماء