برطانیہ دہشتگردوں کی مالی مدد روکے،پاکستان نےبھی ڈومورکہہ دیا

لندن : آرمی چیف جنرل راحیل شریف کا کہنا ہے کہ برطانیہ دہشت گردوں کی عالمی سطح پر مالی مدد اور روابط کو روکنے میں کردار ادا کرے۔ پاک فوج کے شعبہ تعلقات عامہ آئی ایس پی آر کے مطابق آرمی چیف جنرل راحیل شریف نے رائل یونائیٹڈسروسزانسٹی ٹیوٹ کا دورہ کیا، جس کے بعد انہوں نے برطانیہ کی وزیر داخلہ تھریسا مے سے ملاقات کی۔ ملاقات میں دو طرفہ امور اور دہشت گردی کے خلاف جنگ پر تبادلہ خیال کیا گیا، اس موقع پر برطانیہ کی جانب سے دہشت گردوں کے خلاف جاری آپریشن ضرب عضب کو سراہا گیا۔

#COAS met UK's permanent Home Secretary.Asks UK to play role in checking intl financing&communication of terrorists

— AsimBajwa (@AsimBajwaISPR) October 2, 2015

اس موقع پر آرمی چیف نے برطانيہ سے ڈو مور کا مطالبہ کیا، آرمی چیف کا کہنا تھا کہ برطانيہ دہشت گردوں کی فنڈنگ کو روکے، جب کہ دہشت گردوں کے کميونی کيشن پر بھی نظر رکھی جائے۔ بعد ازاں آرمی چیف نے برطانیہ کے آرمرڈ ڈویژن کا دورہ بھی کیا، جہاں انہوں نے برطانوی اہلکاروں کی ٹریننگ کا جائزہ لیا، اس موقع پر برطانوی چیف آف اسٹاف جنرل نکولس کارٹر بھی موجود تھے۔ سماء