فلم ’پردے میں رہنے دو‘ کی شوٹنگ کا آغاز

فلم میں علی رحمان اورہانیہ عامر ایک ساتھ نظرآئینگے

وجاہت رؤف کی ہدایتکاری میں بننے والی فلم’پردے میں رہنے دو‘میں اداکار علی رحمان اور ہانیہ عامر جلوہ گر ہونگے ۔

علی رحمان اور ہانیہ عامر اس سے قبل 2016میں ریلیز ہونے والی فلم ’جانان‘میں ایک ساتھ نطر آئے تھے ۔

فلم ’پردے میں رہنے دو‘کے ہدایتکار وجاہت رؤف نے سماء ڈیجیٹل سے گفتگو کرتے ہوئے بتایا کہ فلم میں اداکار علی رحمان کے ساتھ ہانیہ عامر دکھائی دیں گی فلم میں جاوید شیخ بھی اہم کردار نبھاتے نظر آئیں گے ۔

وجاہت رؤف کا کہنا تھا کہ یہ فلم سماجی مسائل پر مبنی ہے جسے مزاحیہ انداز میں پیش کیا جائے گا ساتھ ہی فلم میں جذبات بھی شامل ہیں۔

ہدایتکار وجاہت رؤف اب تک تین فلمیں ریلیز کرچکے ہیں جس میں ’کراچی سے لاہور‘، ’لاہور سے آگے‘ اور ’چھلاوہ‘ شامل ہے ۔

فلم محسن علی نے تحریر کی ہے جبکہ فلم کی عکس بندی یکم مارچ سے شروع کی جاچکی ہے اس حوالے سے ہدایتکار نے اپنے انسٹاگرام اکاونٹ پرعکس بندی کے دوران لی گئی تصویر بھی شیئر کی ۔

ان کا مزید کہنا تھا کہ فلم کی مکمل عکس بندی کراچی میں شروع ہوچکی ہے جو اگلے 6 ماہ مکمل کرلی جائے گی ۔

فلم کے ریلیز کے حوالے سے ان کا کہنا تھا کہ کوشش ہے کہ فلم کو عید الضحیٰ کے موقع پر ریلیز کریں ۔

یاد رہے کہ گزشتہ دنوں یہ خبریں بھی سامنے آئی تھیں کہ فلم میں مرکزی کردار کیلئے احسن خان یا شہریار منور کو کاسٹ کیا جائے گا تاہم ہدایتکار کی جانب سے علی رحمان اور ہانیہ عامر کا نام فائنل کرلیا گیا ہے۔

Hania Amir

ALI REHMAN

PARDEY MAI REHNAY DO

Tabool ads will show in this div