قصور میں کار سے 10 کلو ہیروئن برآمد

پنجاب کے ضلع قصور میں پولیس نے کارروائی کرتے ہوئے کار سے 10 کلو ہیروئن برآمد کرلی اور ایک ملزم کو گرفتار کرکے تفتیش شروع کردی ہے۔

ڈی ایس پی پتوکی رضوان منظور چیمہ کے مطابق تھانہ سٹی پولیس نے مخبر خاص کی اطلاع پر پتوکی ملانوالہ بائی پاس پر گاڑی کو روک کر تلاشی لی جس میں سے 10 کلو اعلیٰ کوالٹی کی ہیروئین برآمد ہوگئی۔

ڈی ایس پی کا کہنا ہے ہ انٹر نیشنل مارکیٹ میں برآمد ہونے والی ہیروئن کی قیمت ایک کروڑ روپے بتائی جا رہی ہے.

پولیس نے ملزم کو گرفتار کر کے کرولا 20 ماڈل گاڑی نمبر LE- 3043 کو قبضہ میں لیکر تفتیش شروع کردی ہے۔

حکام کے مطابق گرفتار ملزم کی شناخت ناصر کے نام سے ہوئی ہے جو ہیروئین سپلائی کا کام کرتا ہے۔ ناصر کے خلاف پہلے بھی لاہور کے تھانہ تھانہ کاہنہ میں منشیات کے 5 مقدمات درج ہیں۔