چیئرمین ایف بی آر اور وزیراعظم کے درمیان اختلافات کی تردید

چیئرمین ایف بی آر شبر زیدی کے وزیراعظم یا مشير خزانہ کے ساتھ کوئی اختلافات نہيں۔ فیڈرل بورڈ آف ریونیو نے وضاحت جاری کردی، چیئرمین ایف بی آر 19 جنوری تک رخصت پر ہیں۔

ايف بی آر کی جانب سے جاری وضاحتی بيان ميں کہا گيا کہ شبر زیدی کے وزیراعظم عمران خان یا معاشی ٹیم سے اختلافات کی خبریں بے بنیاد اور گمراہ کن ہیں۔

پریس ریلیز میں بتایا گیا ہے کہ چيئرمين ایف بی آر شبر زیدی اپنے معمول کے میڈیکل چیک اپ کیلئے کراچی میں موجود ہیں، وہ 20 جنوری کو تاجر کنونشن میں شرکت کریں گے۔

The Prime Minister has very graciously consented to preside a meeting with all Pakistan traders on 20th of January. The meeting will be held in PM house.

— Syed Shabbar Zaidi (@ShabarZaidi) January 11, 2020

The PM will formally announce the concessions given to traders community and will seek assistance of tade bodies in complete documentation and tax contribution by trading sector.

— Syed Shabbar Zaidi (@ShabarZaidi) January 11, 2020

دوسری جانب چیئرمین ایف بی آر شبر زیدی نے بھی اپنے ٹویٹر پیغام ميں کہا ہے کہ 20 جنوری کے اجلاس ميں وزیراعظم تاجر برادری کو دی جانیوالی رعایتوں کا باضابطہ اعلان کریں گے، عمران خان تاجر تنظیموں سے مکمل دستاویزات اور ٹیکس ادائیگی پر تعاون بھی مانگیں گے۔