روزی گبریل کےقبول اسلام پروینا ملک اور حمزہ عباسی کاردعمل

دسمبر 2018 میں پاکستان کی سیر کیلئے آنے والی معروف کینیڈین موٹرسائیکلسٹ اور ٹریول بلاگر روزی گیبریل کے اسلام قبول کرنے کی خبر تیزی سے سوشل میڈیا پر وائرل ہوئی اور ٹاپ ٹرینڈ بن گئی۔

وینا ملک اور شوبز سے کنارہ کشی اختیار کرنے والے حمزہ علی عباسی نے بھی روزی کے قبول اسلام پر انتہائی خوشی کا اظہار کرتے ہوئے سماجی رابطوں کی ویب سائٹ ٹوئٹر پر ان کیلئے نیک خواہشات کا اظہار کیا۔

حمزہ نے اپنی ٹویٹ میں لکھا ’’ ماشاء اللہ، اللہ تعالیٰ اس عارضی زندگی میں آپ کو طاقت، قناعت اور رحمت دے اور آپ کو ان میں سے ایک بنائے جو لوگوں کو اس حقیقت سے آگاہ کریں کہ بہت جلد، قیامت کے دن ہم سب اپنے اعمال کیلئے خدا کے سامنے جوابدہ ہوں گے‘‘۔

Masha Allah... May God give you strength, contentment & bless you in this temporary life & the coming eternal life & make you one of those who make ppl aware of the fact tht one day, very soon, we will all stand accountable for our deeds on the Day of Judgement. #RosieGabrielle pic.twitter.com/FrgvaaNmbD

— Hamza Ali Abbasi (@iamhamzaabbasi) January 9, 2020

وینا ملک نے اپنی ٹویٹ میں لکھا کہ ’’وہ لوگ خوش قسمت ہوتے ہیں جن کی صحیح راستے کی جانب رہنمائی ہوجائے، امن کے مذہب میں خوش آمدید‘‘۔

lucky are those guided towards the True path ... Welcome to the Religion of Peace #RosieGabrielle pic.twitter.com/QkTyHJBeDp

— VEENA MALIK (@iVeenaKhan) January 9, 2020

گزشتہ روز انسٹاگرام پر روزی نے ہاتھ میں قرآن پاک تھامے ہوئے تصاویر اپ لوڈ کرتے ہوئے طویل پوسٹ میں اس اہم ترین فیصلے سے متعلق بتایا تھا۔

اسلام کی جانب مائل ہونے کا اہم زینہ پاکستان کو قرار دیتے ہوئے روزی نے لکھا کہ نہ صرف دررد کے آخری اثرات اورمیری انا کے حوالے سے مجھے چیلنج کرنے کیلئے بلکہ مجھے سیدھا راستہ دکھانے کیلئے قدرت مجھے پاکستان لائی۔ اس سفر کے دوران لوگوں کے مہربان رویوں نے میرے دل کو مزید تلاش کی ترغیب دی کہ مسلمان ملک میں 10 سال سے زائد رہ کر اور بڑے پیمانے پران خطوں کا سفر کرتے ہوئے ایک چیز کا مشاہدہ کیا ’’امن ‘‘۔ ایسا سکون جس کا خواب کوئی بھی بس اپنے دل میں ہی دیکھ سکتا ہے۔

روزی نے اپنے قبول کردہ مذہب کو سراہتے ہوئے لکھا کہ بدقسمتی سے اسلام ان مذاہب میں ہے جس کی دنیا میں سب سے زیادہ غلط تشریح کرتے ہوئے تنقید کی جاتی ہے لیکن اسلام کے حقیقی معنی امن ، محبت اور یگانگت ہے۔ یہ صرف مذہب نہیں زندگی گزارنے کا طریقہ ہے۔ انسانیت ، عاجزی اور محبت کی زندگی۔

دورہ پاکستان کے موقع پر روزی کا کہنا تھا کہ مجھے کہا جاتا تھا پاکستان کیوں جا رہی ہو، طرح طرح کے خدشات ظاہر کیے گئے لیکن ایسے استقبال پر میرے الفاظ میرا ساتھ نہیں دے رہے۔

پاکستان میں عام زندگی سے لطف اندوز ہونے والی روزی نے یہاں کے بازاروں میں بھی گھومنے کا تجربہ کیا، لوگوں کے گھروں میں جا کرمہمان نوازی کا بھی لطف اٹھایا۔ اس حوالے سے تصاویر انسٹا پر شیئر کرتے ہوئے روزی نے یہاں کی ثقافت کی خوب تعریفیں کیں ۔