نئے سال پرشوبزستاروں کی اپنے اندازمیں مبارکباد

سال 2019 کا سورج اپنے دامن میں تلخ وشیریں یادیں سموئے غروب ہوگیا۔ نیا سال ہر ایک کیلئے نئی امیدیں اور نئے عزائم کے ساتھ طلوع ہوا ہے۔

شوبزستاروں نے سال 2020 کے آغاز پر مداحوں کو نئے سال کی مبارکباد دیتے ہوئے مختلف پیغامات دیے اور مداحوں کیلئے اس موقع پر لی جانے والی خوبصورت تصاویربھی شیئرکیں۔

حال ہی میں زندگی کے نئے سفر کا آغاز کرنے والی اداکارہ اقراء عزیز نے انسٹا پوسٹ میں سال 2020 کے دوران اپنے اور دیگر سب کیلئے ان کے تمام منصوبوں کے پورا ہونے کی دعا کی۔ اقراء نے اس تصویر کے تناظرمیں یاسر کیلئے یہ بھی لکھا کہ مجھے ابھی تک یقین نہیں آرہا ہماری شادی ہوچکی ہے۔

یاسر حسین نے بھی اقراء کے ہمراہ سمندر کے قریب لی گئی تصویر شئیر کرتے ہوئے تمام فالوررز کو نئے سال کی مبارکبادی دی اور کیپشن میں لکھا " میں اپنے ٹیڈی بیئر کے ساتھ "۔

اداکارہ حرا مانی نے انسٹا پر مانی کے ساتھ تصاویر شیئر کرتے ہوئے نئے سال کی مبارکباد دی۔

عائزہ خان نے شوہر دانش تیموراور بچوں کے ساتھ نئے سال کی خوشیاں مناتے ہوئے لی جانے والی تصویر شیئر کی۔

اداکار فیروز خان نے سال 2019 کو اپنے لیےہرلحاظ سے بہترین قرار دیتے ہوئے سب کیلئے آئندہ آنے والے سال کے بہترین ہونے کی دعا کی۔

فہد مصطفیٰ نے نئے سال کی مبارکباد دیتے ہوئے سب کو ٹک ٹاک سے دور رہنے کی ہدایت کرتے ہوئے لکھا ""بھولنا نہیں"۔

Happy New year to you all and again stay away from tiktok bhoolna nahi ?

— Fahad Mustafa (@fahadmustafa26) December 31, 2019

مہوش حیات نے پراعتماد انداز میں لی گئی اپنی ایک اسٹائلش سی تصویر شیئر کرتے ہوئے لکھا "نئے سال میں اس طرح قدم رکھ رہی ہوں"۔

اداکار علی ظفر نے ٹوئٹر پر ایک ویڈیو شیئر کرتے ہوئے مداحوں کیلئے نئے سال کے حوالے سے اپنی کہی گئی ایک نظم خود سنائی۔

Some thoughts penned down for New Years. Have a good one. #happynewyear2020 pic.twitter.com/uvjjywQV0M

— Ali Zafar (@AliZafarsays) December 31, 2019

فرحان سعید نے بھی ٹوئٹر پر نئے سال کی مبارکباد دیتے ہوئے سب کیلئے نیک خواہشات کا اظہار کیا۔

Happy New year to everyone, may 2020 brings all of you love, happiness and a lot of luck ✌#happynewyear2020

— Farhan Saeed (@farhan_saeed) December 31, 2019

اداکارہ مایا علی نے انسٹا گرام پر تصویر ویڈیو کے ساتھ ایک طویل پوسٹ میں نئے سال کی مبارکباد دی۔ مایا نے لکھا کہ گزرا سال ان کیلئے بہت سے حوالوں نے بہترین رہا جس میں کئی نئے رشتے بنے اور کچھ کھو گئے۔ مایا نے مداحوں کو پیغام دیا کہ 2020 کا استقبال کھلے دل کے ساتھ کریں۔ نفرت کا پیغام پھیلائیں نہ کسی کا دل توڑیں۔

اداکار فیصل قریشی نے ٹوئٹر پر نئے سال کی مبارکباد دیتے ہوئے بتایا کہ انہوں نے موٹروے پر 16 گھنٹے ڈرائیونگ کی اور اسلام آباد سے کراچی اپنے گھر پہنچے۔

Drove 16 hrs on newyears Islamabad to karachi #happynewyear2020 back to home

— Faysal Quraishi (@faysalquraishi) January 1, 2020

ہمایوں سعید نے خانہ کعبہ کے سامنے لی گئی تصویر شیئر کرتے ہوئے کہا کہ ان کی ہمیشہ سے خواہش تھی وہ اپنے نئے سال کا آغاز دنیا کی سب سے مقدس جگہ سے کریں اور ان کی یہ خواہش اس سال پوری ہوئی۔

اداکارنے اپنی پوسٹ میں سب کیلئے نیک خواہشات کا اظہارکیا۔