امریکہ کی پشاور میں کیمپ پر حملے کی مذمت

واشنگٹن: امریکا نے  پشاور میں ایئربیس کے کیمپ پر دہشتگردوں کے حملے کی شدید مذمت کی ہے ۔ ایک بیان میں امریکی محکمہ خارجہ کے ترجمان نے پاکستانی عوام  سے یکجہتی کا اظہار کرتے ہوئے کہا کہ دہشتگردی اور انتہاپسندی سے پوری دنیا میں سب سے زیادہ نقصان پاکستان کو پہنچا۔   انہوں نے کہا امریکا دہشتگردی کیخلاف جنگ میں پاکستانی عوام کے شانہ بشانہ کھڑا ہے ۔ انہوں نے کہا کہ پشاور کا واقعہ دہشتگردی کی وارداتوں کے سلسلے کی کڑی ہے۔ پشاور حملے سے یہ ظاہر نہیں  ہوتا کہ دہشتگردی کیخلاف جنگ کمزور پڑ رہی ہے اور دہشتگردی بڑھ رہی ہے ۔   انہوں نے کہا پی اے ایف کیمپ پر نمازیوں کو نشانہ بنانا افسوسناک ہے۔ امریکا دہشتگردی کیخلاف لڑنے والوں کے ساتھ کھڑا ہے۔ دہشتگردی کیخلاف پاکستان کی حمایت جاری رکھیں گے۔ سماء