سب میرین کیبلزمیں خرابی، پاکستان میں انٹرنیٹ سروس جزوی متاثر

انٹرنیشنل سب میرین کیبلز میں خرابی کے باعث پاکستان میں انٹرنیٹ سروسز  متاثر ہیں، پی ٹی اے کا کہنا ہے کہ صارفین کو کچھ وقت مشکلات کا سامنا کرنا پڑے گا۔

پاکستان ٹیلی کمیونیکیشن اتھارٹی کے مطابق گہرے پانیوں میں سب میرین فائبر آپٹکس کیبلز میں شام 5 بجے سے خرابی کے باعث پاکستان میں انٹرنیٹ سروس جزوی طور پر متاثر ہے، جس سے صارفین کو کچھ وقت مشکلات کا سامنا کرنا پڑے گا۔

ملک کے مختلف حصوں سے انٹرنیٹ سروس متاثر ہونے کی شکایات موصول ہورہی ہیں، کہیں کہیں صارفین کو سروس میں سست روی او تعطل کا بھی سامنا ہے۔

پی ٹی سی ایل نے اپنے ٹویٹر پیغام میں صارفین سے معذرت کرتے ہوئے بتایا ہے کہ سب میرین کیبلز میں خرابی کے باعث ملک بھر میں انٹرنیٹ سروس متاثر ہے، صارفین کو سلو براؤزنگ کا سامنا کرنا پڑ سکتا ہے، ہماری تکنیکی ٹیمیں خرابی دور کرنے اور انٹرنیٹ سروس کی بحالی کیلئے کام کررہی ہیں۔

We regret to inform you that due to international submarine cable fault, internet services are impacted across Pakistan. Our technical teams are working on fully restoring internet services. We apologize for any inconvenience caused and thank you for your patience. pic.twitter.com/PGh1r6OGB8

— PTCL (@PTCLOfficial) October 29, 2019

پی ٹی اے ترجمان کا کہنا ہے کہ پی ٹی سی ایل بین الاقوامی اداروں کے ساتھ مل کر خرابی کی نوعیت اور مقام کے تعین کیلئے کام کررہا ہے، امید ہے جلد ہی خرابی دور کردی جائے گی۔