ہیپی برتھ ڈے مریم: ٹوئٹر پر ٹاپ ٹرینڈ بن گیا

مداحوں اور کارکنوں کے پیغامات

پاکستان مسلم لیگ ن کی رہنما اور سابق وزیراعظم نواز شریف کی صاحبزادی مریم نواز شریف کی سالگرہ آج منائی جا رہی ہے، تاہم والدہ کی طعبیت ناسازی کے باعث وہ اس سال سالگرہ نہیں منا رہی۔

مریم نواز شریف 1973 میں لاہور میں پیدا ہوئیں۔ سماجی رابطے کی سائٹ ٹوئٹر پر مریم نواز کی سالگرہ کا ہیش ٹیگ اتوار کی  شام سے ہی ٹاپ ٹرینڈ بن گیا۔ پارٹی رہنماؤں اور کارکنوں کی جانب سے مریم نواز شریف کو ڈھیروں مبارک باد اور نیک تمناؤں کے پیغامات دیئے گئے۔

ن لیگی رہنما عظمیٰ بخاری کا اپنی ٹوئٹ میں کہنا تھا کہ "آپ ہمت اور حوصلے سے کام لیں"، "یہ آپ کیلئے مشکل وقت ہے۔ مگر ہم جانتے ہیں کہ آپ کو لڑنا آتا ہے، اور ہمیں آپ پر فخر ہے۔ آپ بہت یاد آتی ہیں" ۔

 

 ن لیگی رہنما اور فیشن ڈیزائنر حنا پرویز بٹ نے بھی اس موقع پر مریم نواز شریف کو وش کیا۔

ایک صارف کی جانب سے مریم نواز شریف کیلئے لکھا گیا کہ " پابند سلاسل قائد کی بیٹی قوم کی آواز محترمہ مریم نواز صاحبہ کو جنم دن کہ مبارکباد !! " ۔

ایک صارف نے لکھا کہ " تکلیف اور آزمائش کی اس گھڑی میں ہم سب آپ کے ساتھ ہیں، ہر لمحہ ہر پل دل سے دعا گو ہیں کہ اللہ تعالیٰ آپ کی تمام آزمائشوں اور تکالیف کو دور فرمائے، میاں صاحب کو صحت سلامتی والی لمبی زندگی عطا فرمائے آمین ثم آمین" ۔

ایک مداح نے کہا کہ " اللہ تعالی میری قاہد کو ہر مشکل و پریشانی سے محفوظ فرما اور صحت والی لمبی زندگی عطا فرمائے امین ثم امین" ۔

واضح رہے کہ 8 اگست کو قومی احتساب بیورو نے چوہدری شوگر مل کیس میں مسلم لیگ (ن) کی نائب صدر مریم نواز کو گرفتار کر کے نیب ہیڈکوارٹرز منتقل کر دیا تھا۔

عدالت کی جانب سے مریم نواز کے جسمانی ریمانڈ میں متعدد بار توسیع کی گئی تھی، جس کے بعد ان کا جوڈیشل ریمانڈ دے دیا گیا۔ تاہم والد کی طبعیت ناساز ہونے پر انہیں سروسز اسپتال لاہور میں سابق وزیراعظم کے ساتھ رکھا گیا ہے تاکہ وہ ان کی دیکھ بھال کرسکیں۔

MARYAM NAWAZ

Happy Birthday

Tabool ads will show in this div