دنیا کو رولانے والا ننھا ایلیان بھائی اور ماں کیساتھ سپرد خاک

اسٹاف رپورٹ

کوبانی : پوری دنیا کو رلاکرننھا ایلان کُردی قبرمیں چلا گیا، کوبانی میں ایلان کُردی کو بھائی اور ماں کے ساتھ سپرد خاک کردیا گیا۔

دنیا کو بیدار کرنے والا ایلان کردی ابدی آرام گاہ میں اُتر گیا، پوری دنیا کو رلا کر ایلان کُردی قبر میں اتر گیا، دونوں بھائیوں کی ماں کے ساتھ کوبانی میں تدفین ہوگئی۔ معصوم شہداء کی تدفین ہر آنکھ اشکبار کرگئی، بچوں کا باپ عبداللہ کردی روتا رہا۔

عبداللہ کردی نے اس موقع پر کہا کہ عرب حکومتوں سے پناہ گزینوں کی مدد کی اپیل کرتا ہوں۔ تین سالہ ایلان کردی بھائی غالب کردی اور ماں کے ساتھ یونان جاتے ہوئے سمندر میں ڈوب گیا تھا، ایلان کردی کی لاش ساحل پر پہنچی تو دنیا میں کہرام مچ گیا، عراق و شام کی جنگ پرسوالات اٹھ گئے۔ سماء