Technology

ویڈیو گیم کی دنیا میں 23 سالہ نوجوان نے پاکستان کا نام روشن کردیا

پاکستان کے ارسلان صدیقی ورلڈ ویڈیو گیمز چیمپئن شپ جیتنے والے پاکستان کے پہلے کھلاڑی بن گئے۔

امریکا کے شہر لاس ویگاس میں ہونے والے سالانہ ورلڈ ویڈیو گیمز میں پاکستان کے 23 ارسلان صدیقی ٹیکن 7 ویڈیو گیم کے ورلڈ چیمپیئن بن گئے۔

ارسلان نے ٹیکن ٹیگ ٹورنامنٹ ٹو کے گرینڈ فائنل میں کوریا سے تعلق رکھنے والے ٹیکن گیم کے لیجنڈ یائی من نی کو ہرا کر ورلڈ چیمپئین بنے اور ویڈیو گیمنگ کی دنیا میں نام بنالیا۔

سال 2011 کے بعد پہلی مرتبہ کسی پاکستانی نے اس مقابلے میں حصہ لیا تھا ۔ارسلان نے رواں سال فروری میں جاپان میں ہونے والا ایوو ٹورنامنٹ بھی جیتا تھا۔

واضح رہے کہ ورلڈ ویڈیو گیمز چیمپئن شپ میں 4 ملکوں کے 8 کھلاڑیوں نے حصہ لیا تھا۔ چیمپئن شپ میں میزبان امریکی ٹیم کے کھلاڑی ٹی کے اناکن نے تیسری پوزیشن حاصل کی۔

یہ ٹورنامنٹ گزشتہ ہونے والے تمام مقابلوں سے بڑا تھا جس میں 9000 کھلاڑیوں نے حصہ لیا تھا ، ایوو ٹورںامنٹ میں اس سال سپر سمیش براس ، الٹیمیٹ ، اسٹریٹ فائٹر 5 ، آرکیڈ ایڈیشن ، ٹیکن 7 ، سمورائے شوڈاون ، مورٹل کومبیٹ 11 ، ڈریگن بال فائٹرز سمیت دیگر گیمز میں مقابلہ ہوا۔

Video Games

Tekken 7

Arsalan Ash

Tabool ads will show in this div