شعیب کی ریٹائرمنٹ پر ثانیہ مرزا حوصلہ بڑھانے آگے آ گئیں

سابق کپتان شعیب ملک کا ایک روزہ بین القوامی میچز کا کیرئیر اختتام کو پہنچا۔ شعیب کی جانب سے سوشل میڈیا پر ریٹائرمنٹ کے اعلان کے بعد ان کی اہلیہ ثانیہ مرزا نے شوہر کو سراہتے ہوئے حوصلہ افزا پیغام دیا۔

سماجی رابطوں کی ویب سائٹ ٹوئٹر پر اپنے پیغام میں ثانیہ مرزا نے لکھا ’’ہر کہانی کا ایک اختتام ہوتا ہے لیکن زندگی میں ہر اختتام ایک نئی شروعات ہوتا ہے۔ آپ اپنے ملک کے لیے 20 سال کھیلے اور آپ نے بہت اعزاز اور عاجزی کے ساتھ اسے جاری رکھا‘‘۔

‘Every story has an end, but in life every ending is a new beginning’ @realshoaibmalik ? u have proudly played for your country for 20 years and u continue to do so with so much honour and humility..Izhaan and I are so proud of everything you have achieved but also for who u r❤️

— Sania Mirza (@MirzaSania) July 5, 2019

ثانیہ نے اپنی اور بیٹے اذہان مرزا ملک کی جانب سے مزید لکھا کہ مجھے اور اذہان کو ہر اس چیز پر فخر ہے جو آپ نے حاصل کی لیکن جیسے آپ ہیں ہمیں اس پر زیادہ فخر ہے۔

ثانیہ نے حوصلہ بڑھاتے ہوئے ٹی ٹوئنٹی کرکٹ کے حوالے سے شعیب کیلئےخواہش کی کہ آپ مزید ہزاروں رنز اسکور کریں۔

اس سے قبل پاکستان کے لیے 287 ایک روزہ میچ کھیلنے والے شعیب ملک نے ٹوئٹر اور انسٹا گرام پر اپنی ریٹائرمنٹ کا اعلان کرتے ہوئے ساتھی کھلاڑیوں، کوچز ، فیملی ، دوستوں ، میڈیا ، اسپانسرز اور اپنے پرستاروں کا شکریہ ادا کیا۔

Today I retire from One Day International cricket. Huge Thank you to all the players I have played with, coaches I have trained under, family, friends, media, and sponsors. Most importantly my fans, I love you all#PakistanZindabad ?? pic.twitter.com/zlYvhNk8n0

— Shoaib Malik ?? (@realshoaibmalik) July 5, 2019

یاد رہے کہ شعیب ملک نے گزشتہ سال ورلڈ کپ 2019 کے بعد ایک روزہ بین القوامی کرکٹ سے ریٹائرمنٹ لینے کا اعلان کیا تھا جو انہوں نے کل پاکستان کرکٹ ٹیم کے آخری میچ کے بعد پورا کردیا۔

امکان ظاہر کیا جا رہا تھا کہ گزشتہ روز لارڈز میں بنگلادیش کے خلاف کھیلے جانے والے میچ میں شعیب ملک کو شامل کیا جائے گا لیکن ایسا نہ ہوا اور وہ اپنا الوداعی میچ نہ کھیل سکے۔