کراچی کو مزید 2 روز پانی کی کمی کا سامنا رہے گا، واٹر بورڈ

واٹر بورڈ نے دھابیجی پمپنگ اسٹیشن پر بجلی کے بریک ڈاؤن کے پھٹنے والی لائن کی مرمت کردی۔ ایم ڈی واٹر بورڈ کہتے ہیں کہ کراچی کو مزید دو روز تک پانی کی کمی کے اثرات کا سامنا کرنا پڑے گا۔

ایم ڈی واٹر بورڈ انجینئر اسد اللہ خان کے مطابق دھابیجی پمپنگ اسٹیشن پر بجلی کے بریک ڈاؤن سے پھٹنے والی لائن کی ہنگامی بنیادوں پر مرمت کردی گئی، پمپنگ اسٹیشن پر 2 مرتبہ بریک ڈاؤن اور لائن پھٹنے سے 92 ملین گیلن پانی کراچی کو فراہم نہیں کیا جاسکا۔

مزید جانیے : دھابیجی پمپنگ اسٹیشن سے کراچی کو پانی کی فراہمی جزوی طور پر بحال

ان کا مزید کہنا ہے کہ بریک ڈاؤن اور پائپ لائن پھٹنے کے باعث کراچی کو پانی کی کمی کے اثرات مزید 2 روز تک رہیں گے۔ انہوں نے شہریوں کو پانی احتیاط سے استعمال کرنے کا بھی مشورہ دیا ہے۔