آن لائن سہولت سے7ہزار سے زائد افراد کو ویزا جاری،نادرا

وزیراعظم عمران خان کی ہدایت پر"آن لائن ای ویزہ" سہولت کامیابی سے جاری ہے، اب تک 7000 سے زائد افراد کو فوری ويزہ جاری کیا جا چکا ہے۔ وزير خارجہ شاہ محمود قريشی نے کہا ہے کہ ای ویزہ پالیسی سے سياحت کے ساتھ اقتصادی سفارت کاری کو بھی فروغ ملے گا۔

نادرا کے مطابق آن لائن ای ويزہ پاليسي کے ذريعے اب تک 9931 درخواستیں موصول ہوئیں جن میں سے 7160 افراد کو ویزہ جاری کردیا گیا ہے ۔ 2446 درخواستیں زیرغور ہیں جبکہ 325 درخواستوں کو تکنیکی وجوہات کی بنیاد پر مسترد کیا گیا ہے۔

وزير خارجہ شاہ محمود قريشي نے کہا ہے کہ ہماری نئی ویزہ پاليسي انتہائی کامیابی کے ساتھ جاری ہے اور ہمیں مطلوبہ نتائج حاصل ہورہے ہیں، لوگ کاروبار، سیاحت اور تعلیم کی غرض سے پاکستان آنے کیلئے ای ویزہ کی سہولت سے مستفید ہورہے ہیں، امید ہے کہ ای ویزہ پالیسی سیاحت کے فروغ اور معیشت کے استحکام کیلئے سنگ میل ثابت ہوگی۔

Tabool ads will show in this div