ماہرہ اور مہوش کو سرفراز کا اسٹائل بھا گیا

ورلڈ کپ کی اوپننگ پارٹی میں پاکستان کرکٹ ٹیم کے کپتان سرفراز احمد سفید شلوارقمیض اور سبز ویسٹ کوٹ پہن کر شریک ہوئے۔ ان کا یہ انداز سبھی کو بھایا۔

سوشل میڈیا قومی لباس پہن کر ملکہ برطانیہ سے ملاقات کی تصاویر وائرل ہوئیں اورجہاں سبھی نے سرفراز کو خوب سراہا وہیں اداکار مہوش حیات اور ماہرہ خان نے بھی اس حوالے سے ٹویٹس کیں کپتا ن کی تعریف کرتے ہوئے نیک خواہشات کا اظہار کرڈالا۔

ماہرہ نے اپنی ٹویٹ میں سرفراز احمد کی شلوار قمیض میں ملبوس تصویر شئیر کی اور ان کی تعریف کرتے ہوئے ٹیم کیلئے نیک تمناؤں کا اظہار کیا۔

Looking good @SarfarazA_54 ???? lots of luck to our team ?? pic.twitter.com/Z4XThvwJNr

— Mahira Khan (@TheMahiraKhan) May 30, 2019

مہوش حیات نے ملکہ برطانیہ کے ساتھ ورلڈ کپ میں شریک تمام ٹیموں کے کپتان کے ساتھ کھینچی گئی تصویر کے علاوہ سرفراز کی علیحدہ سے تصویر شیئر کرتے ہوئے لکھا کہ میرا خیال ہے یونیفارم سے ہٹ کربھی مردوں پر سفید شلوار قمیض بہت جچتا ہے۔

I think that apart from a uniform, a white shalwar kamiz always looks very attractive on a man. Good luck to @SarfarazA_54 and the boys ! you carry the dreams and hopes of the whole nation on your shoulders. I am sure that you will not disappoint. #CricketWorldCup2019 ? pic.twitter.com/Yx42Ivlxrk

— Mehwish Hayat TI (@MehwishHayat) May 30, 2019

اداکارہ نے سرفراز اور دیگر کھلاڑیوں کیلئے نیک خواہشات کا اظہار کرتے ہوئے اس یقین کا اظہار کیا کہ شاہین قوم کو مایوس نہیں کریں گے۔

یاد رہے کہ ورلڈ کپ کے افتتاحی میچ سے قبل لندن میں بکھنگم پیلس کے سامنے سڑک پر ورلڈ کپ کی اوپننگ پارٹی کا انعقاد کیا گیا تھا جس میں تمام 10 ٹیموں کے کپتانوں نے شرکت کی۔

ورلڈ کپ سے پہلے بکنگھم پیلس کے سامنے رنگا رنگ اوپننگ پارٹی

تقریب سے قبل تمام ٹیموں کے کپتانوں نے ملکہ برطانیہ سے ملاقات کی۔ پاکستان کرکٹ ٹیم کے کپتان سرفراز احمد اوپننگ پارٹی میں سفید شلوار قیمض اور سبز ویسٹ کوٹ پہن کر شریک ہوئے تھے۔

صوفی عبدالجیل المعروف چاچا کرکٹ اور ملالہ یوسفزئی بھی اوپننگ پارٹی میں گرین شرٹس کو سپورٹ کرنے کے لئے موجود تھے۔