اسلام آباد میں بھینسوں کے پوسٹ مارٹم کا فیصلہ

[video width="640" height="360" mp4="https://i.samaa.tv/wp-content/uploads/sites/11//usr/nfs/sestore3/samaa/vodstore/urdu-digital-library/2018/05/Buffalo-Vo-04-05.mp4"][/video]

اسلام آباد میں بااثر شخص نے پانی کے نالے میں کرنٹ چھوڑ دیا، پیاس بجھانے کے لیے آنے والی دو بھینسیں کرنٹ لگنے سے ہلاک ہوگئیں، پولیس نے پوسٹ مارٹم کا فیصلہ کرلیا۔

وفاقی دارلحکومت میں بھینسیں اپنی پیاس بجھانے قریبی نالے پر گئیں تو بہتے نالے میں لگی موٹر پانی میں کرنٹ کا باعث بنی جو دونوں بے زبانوں کی جان لے گیا، ساتھ آنے والا ملازم بھی زخمی ہوگیا۔

متاثرہ شہری نے علاقے کی بااثر شخصیت اور تحریک انصاف کے سابق امیدوار برائے قومی اسمبلی الیاس مہربان کے بھائی اخلاق مہربان کے خلاف تھانہ شہزاد ٹاؤن میں مقدمے کے اندراج کی درخواست دے دی۔

متاثرہ شہری کا کہنا تھا کہ میرا ملازم بھینسوں کو نہلانے کے لیے لے گیا تھا وہاں پانی میں بجلی کی موٹریں لگی تھیں کرنٹ لگنے سے بھینسیں مرگئیں جس سے تقریباً 7 لاکھ کا نقصان ہوا ہے ۔

پولیس نے موت کی وجہ جاننے کے لیے دونوں بھینسوں کا پوسٹ مارٹم کرانے کا فیصلہ کرلیا۔

ڈی ایس پی کے مطابق جانوروں کے پوسٹ مارٹم کے لیے ویٹرنری ڈاکٹر سے مشورہ کیا ہے،جو بھی رپورٹ آئے گی میرٹ پر فیصلہ کریں گے۔

سماء نے موقف جاننے کے لیے اخلاق مہربان سے رابطہ کیا لیکن انہوں نے موقف دینے سے انکار کردیا۔

post mortem

BUFFALO

Tabool ads will show in this div