سری لنکا، ایسٹر پرچرچ اور ہوٹلز میں8خودکش حملے، 207 افراد ہلاک, متعدد زخمی

سری لنکا میں ایسٹر کے موقع پر دارالحکومت سمیت متعدد شہروں میں بم دھماکوں میں ہلاک افراد کی تعداد 207 تک پہنچ گئی ہے، جب کہ دھماکے سے متعدد افراد زخمی بھی ہوئے، مرنے والوں میں 9 غیر ملکی اور پولیس اہل کار بھی شامل ہیں۔

خبر رساں ایجنسی کے مطابق سری لنکا میں ایسٹر کے موقع پر 3 گرجا گھروں اور تین ہوٹلوں میں دھماکے کے نتیجے میں 207 افراد ہلاک، جب کہ 300 سے زائد زخمی ہوگئے۔ سری لنکن وزیراعظم نے اسے دہشت گردوں کی بزدلانہ کارروائی قرار دیا ہے۔ حملوں کے بعد سری لنکا میں سوشل میڈیا پر پابندی عائد کردی گئی ہے۔

حملوں کے فوری بعد مزید نقصانات سے بچنے کیلئے ملک بھر میں کرفیو نافذ کردیا گیا ہے۔ عینی شاہدین کے مطابق دھماکے اتنے شدید تھے کہ  مذکورہ عمارتوں کے پرخچے اڑ گئے۔ سری لنکن پولیس کا کہنا ہے کہ تمام آٹھ خود کش دھماکے تھے۔

سری لنکن فضائیہ کے ترجمان کے مطابق ایئرپورٹ کے نزدیک ایک اور دھماکہ خیز ڈیوائس ملی جسے کامیابی کے ساتھ ناکارہ بنادیا گیا ۔

میڈیا رپورٹس کے مطابق دھماکے چیکاڈے، سینٹ سیبسٹن اور بیٹیکولا  سمیت دیگر چرچ اور ہوٹلز میں اس وقت ہوئے جب لوگ عبادت میں مصروف تھے۔ کولمبو میں شانگری ہوٹل اور سینیمین گراؤنڈ میں بھی دھماکے ہوئے۔ دھماکوں کی اطلاع ملتے ہی امدادی ٹیمیں اور پولیس کی بھاری نفری جائے وقوعہ پر پہنچیں۔

I strongly condemn the cowardly attacks on our people today. I call upon all Sri Lankans during this tragic time to remain united and strong. Please avoid propagating unverified reports and speculation. The government is taking immediate steps to contain this situation.

— Ranil Wickremesinghe (@RW_UNP) April 21, 2019

دہشت گردی کے واقعہ پر سری لنکن حکومت نے ملک بھر میں سوگ کا اعلان کیا ہے، جب کہ اسکولز اور دفاتر دو روز کیلئے بند رہیں گے۔ سری لنکن پولیس کی جانب سے بم دھماکوں میں ہلاک افراد کی تصدیق کردی گئی ہے۔ واضح رہے کہ اتوار کے روز دنیا بھر میں مسیحی برادری اج ایسٹر کا تہوار منارہی ہے۔

ویٹی کن سٹی کے سینٹ پیٹرز بسیلیکا چرچ میں ایسٹر کی مرکزی تقریب ہوئی جس میں ہزاروں افراد نے شرکت کی۔ کیتھولک مسیحوں کے روحانی پیشوا پوپ فرانسس نے تقریب سے خطاب کرتے ہوئے کہا کہ مایوسی کو پیچھے چھوڑیں اور امید کو دفن نہ ہونے دیں جو چیزیں گزر گئی ہیں ان میں زندگی کے معنی تلاش نہ کریں۔

Pakistan condemns explosions and terrorist attacks in Sri Lanka at Churches & Hotels, that have led to numerous casualties and immense loss. People and Government of Pakistan stand by people and Government of Sti Lanka at this moment of tragedy and against terror @MFA_SriLanka

— Dr Mohammad Faisal (@DrMFaisal) April 21, 2019

سری لنکا میں ہونے والے حملوں پر پاکستان دفتر خارجہ کی جانب سے مذمت کا اظہار کیا گیا ہے۔ ترجمان دفترخارجہ کا کہنا ہے کہ پاکستان سری لنکا میں گرجا گھروں، ہوٹلوں میں دہشتگردی کی مذمت کرتا ہے۔ دھماکوں سے بڑا جانی نقصان ہوا کئی لوگ زخمی ہوئے۔  انہوں نے کہا کہ حکومت پاکستان اورعوام اس سانحےپرسری لنکن حکومت اورعوام کے ساتھ ہیں۔

Explosions and blast have been reported at Colombo & Batticoala causing many causalities. We are watching the situation carefully. Any Pakistan needing any help / assistance may contact following phone numbers. 0112055681 0112055682 0767773750

— Pakistan High Commission Colombo (@PahicColombo) April 21, 2019

دوسری جانب کولمبو میں پاکستانی سفارت خانے کیجانب سے ایمرجنسی نمبرز بھی جاری کردیئے گئے ہیں۔ سفارتی ذرائع کے مطابق اگر کوئی پاکستانی اپنے کسی عزیز سے متعلق معلومات حاصل کرنا چاہتا ہے تو وہ ان نمبرز پر رابطہ کرسکتا ہے۔

ایسٹر کے موقع پر سری لنکا میں خوفناک دہشت گرد حملے اور اسکے نتیجے میں ہونے والے قیمتی جانوں کے ضیاع کی شدید ترین الفاظ میں مذمت اور سری لنکن بھائیوں سے دلی ہمدردی و تعزیت کا اظہار کرتا ہوں۔ غم اور دکھ کی اس گھڑی میں پاکستان سری لنکا کے ساتھ ہے۔

— Imran Khan (@ImranKhanPTI) April 21, 2019

دھماکوں پر وزیراعظم عمران خان اور وزیر خارجہ شاہ محمود قریشی کی جانب سے بھی شدید مذمت کی گئی ہے

ترجمان دفتر خارجہ ڈاکٹر فیصل کے مطابق زخمیوں میں تین پاکستانی خواتین ماہین حسن ،منزہ ہمایوں اور عاتکہ عاطف سمیت 4 پاکستانی شہری معمولی زخمی ہوئے لیکن خوش قسمتی سے کوئی جانی نقصان نہیں ہوا ۔

وزیر خارجہ شاہ محمود قریشی نے سری لنکن وزیر اعظم رانیل وکرما سنگھے کو فون کیا ، خونریز واقعات کی مذمت کرتے ہوئے کہا دہشتگردوں کا کوئی مذہب نہیں ہوتا، قیمتی جانون کے ضیاع پر اظہار افسوس کہا مشکل وقت میں پاکستان سری لنکا کے ساتھ کھڑا ہے ۔

ترجمان دفتر خارجہ ڈاکٹر فیصل کے مطابق شاہ محمود قریشی عنقریب سری لنکا کا دورہ بھی کرینگے ۔