پاکستان کا ایف 16 طیارہ گرانے کا بھارتی دعویٰ بے نقاب ہوا، وزیراعظم

وزیراعظم عمران خان نے کہا ہے کہ فتح ہمیشہ سچ کی ہوتی ہے اور یہی بہترین پالیسی ہے، جنگی جنون کے ذریعے انتخابات جیتنے کی بھارتی جنتا پارٹی کی کوشش الٹی پڑگئی۔

سماجی رابطہ کی ویب سائٹ ’’ٹوئٹر‘‘ پر اپنے پیغام میں وزیراعظم عمران خان نے کہا کہ پاکستانی ایف 16 طیارہ گرانے کا بھارتی دعویٰ بھی بے نقاب ہوگیا ہے۔

سچ ہی کو دوام اور صداقت ہی بہترین حکمت عملی ہے۔ امریکی دفاعی حکام کی تصدیق کے بعد کہ پاکستانی بیڑے میں سے ایک بھی F-16 جہاز کم نہیں، پاکستان کا F-16 طیارہ گرانے کا بھارتی دعویٰ بے نقاب ہوگیا اور جنگی جنون کو ہوا دے کر انتخاب جیتنے کی بھارتیہ جنتا پارٹی کی کوشش بھی ناکام ہوگئی۔

— Imran Khan (@ImranKhanPTI) April 6, 2019

وزیراعظم نے کہا کہ امریکی دفاعی حکام نے تصدیق کی ہے کہ پاکستانی فضائی بیڑے میں کوئی ایف 16 کم نہیں ہوا۔