ملتان سلطانز نے لاہور قلندرز کیخلاف ہدف تیرہویں اوور میں حاصل کر لیا

پاکستان سپر لیگ سیزن 4 کے 29 ویں میچ میں ملتان سلطانز نے لاہور قلندرز کےخلاف 141 رنز کا ہدف تیرہویں اوور میں 3 وکٹوں کے نقصان پر باآسانی حاصل کر لیا۔

ملتان سلطانز کی جانب سے شان مسعود نے 48 رنز کی شاندار اننگز کھیلی جبکہ جونسن چارلس 41 رنز بنا کر ناٹ آؤٹ رہے۔

ملتان سلطانز اور لاہور قلندرز ایونٹ کا آخری میچ کھیل رہے تھے جبکہ دونوں ٹیمیں پہلے ہی پی ایس ایل سے باہر ہو چکی ہیں۔

لاہور قلندرز کا ملتان سلطانز کو جیت کیلئے 141 رنز کا ہدف

پی ایس ایل کے پلے آف مرحلے کےلیے کوئٹہ گلیڈی ایٹرز، پشاور زلمی، اسلام آباد یونائیٹڈ اور کراچی کنگز نے کوالیفائی کرلیا ہے۔

 محمد عباس کو 22 رنز دے کر 3 وکٹیں لینے پر میچ کا بہترین کھلاڑی قرار دیا گیا۔

For his match winning spell of bowling, @Mohmmadabbas111 is the Man of the Match.#HBLPSL #KhelDeewanoKa #LQvMS pic.twitter.com/XL6MCpFBfv

— PakistanSuperLeague (@thePSLt20) March 11, 2019

کوئٹہ گلیڈی ایٹرز 14 پوئنٹس کے ساتھ پہلی پوزیشن پر برقرار ہیں جبکہ دوسری پوزیشن کےلیے کراچی کنگز اور پشاورزلمی میں آج مقابلہ ہوگا۔ دوسرا میچ شام 7 بجے شروع ہوگا۔

لاہور قلندرز

کپتان فخر زمان، سہیل اختر، حارث سہیل، اسیلا گنارتنے، رکی ویسلز، سعد علی، ڈیوڈ ویز، حسان خان، شاہین شاہ آفریدی، حارث رؤف اور سندیپ لیمی چین۔

ملتان سلطانز

کپتان شعیب ملک، شان مسعود، جیمز ونس، عمر صدیق، جونسن چارلس، شاہد آفریدی، ڈینیئل کرسٹیان، محمد الیاس، محمد عباس، کرس گرین، محمد جنید۔