کے الیکٹرک نے پہلی بار خواتین میٹر ریڈرز تعینات کر دیں

کراچی کو بجلی فراہم کرنے والی کمپنی کے الیکٹرک نے پہلی مرتبہ خواتین کو میٹر ریڈنگ کےلیے ملازمت پر رکھ لیا ہے۔

کے الیکٹرک کی جانب سے یہ اقدام خواتین کے عالمی دن کے موقع کی مناسبت سے کیا گیا۔ خواتین کا عالمی دن ہر سال 8 مارچ کو منایا جاتا ہے۔

سوشل میڈیا ویب سائٹ ٹوئٹر پر کے الیکٹرک نے ان خواتین پر مشتمل ایک ویڈیو بھی جاری کی ہے۔ کے الیکٹرک نے لکھا ہے کہ کمپنی کی پہلی میٹر ریڈرز خواتین نے یہ ثابت کیا ہے کہ دنیا میں ایسا کوئی کام نہیں جو خواتین نا کر سکتیں ہوں۔

KE's first-ever women meter readers prove that there is nothing women cannot do. This Women's Day lets continue to #BreakDownBarriers #BalanceforBetter #IWD2019 pic.twitter.com/7JI0zQFlQU

— KE (@KElectricPk) March 6, 2019

کے الیکٹرک میں ایک خاتون میٹر ڈیٹا کی دیکھ بحال کے حوالے سے فرائض انجام دے رہی ہیں جو کہ اپنے کام سے بہت خوش ہے۔ ان خواتین کا تعلق متوسط طبقے سے ہے۔

خواتین کا یہ پہلا گروپ کراچی کے علاقے لیاری میں اپنے فرائض انجام دے رہا ہے۔