کھیل

پی ایس ایل 4 : مصباح اور سیمی نے لاہور قلندرز سے فتح چھین لی

اسپورٹس Mar 05, 2019

Photo PSL

پاکستان سپر لیگ 4 کے میچ میں مصباح الحق اور ڈیرن سیمی نے لاہور قلندرز سے فتح چھین لی، دونوں نے 20 رنز پر 5 وکٹیں گرنے کے بعد 100 رنز کی شراکت قائم کرکے پشاور زلمی کو جیت دلادی۔

پی ایس ایل 4 کے 25 ویں میچ میں پشاور زلمی نے ٹاس جیت کر فیلڈنگ کا فیصلہ کیا، لاہور قلندرز نے مقررہ اوورز میں 7 وکٹوں کے نقصان پر 124 رنز بنائے۔

6/1 - 8/2 - 12/3 - 12/4@iShaheenAfridi and @rahat_211 make this chase difficult for Zalmi. Sensational stuff here in @AbuDhabiCricket. PZ 14/4 (4.4 ov). LIVE: https://t.co/AvvNVO1kH6 #HBLPSL #KhelDeewanoKa #LQvPZ pic.twitter.com/KMYtSj6j2N
— PakistanSuperLeague (@thePSLt20) March 5, 2019

پشاور زلمی کیلئے ابتداء میں 125 رنز کا ہدف بھی پہاڑ جیسا لگا جب محض 20 رنز پر 5 کھلاڑی پویلین لوٹ گئے، شاہین آفریدی نے امام الحق، عمر امین اور لیام ڈاؤسن کی وکٹیں لے کر حریف کیلئے مشکلات کھڑی کردیں۔

راحت علی نے کامران اکمل اور ڈیوڈ ویزے نے کیرن پولارڈ کو بولڈ کرکے پویلین کی راہ دکھائی۔

پی ایس ایل 4 : لاہور قلندرز کا پشاور زلمی کو 125 رنز کا ہدف

مصباح الحق اور کپتان ڈیرن سیمی وکٹ پر آئے تو نقشہ ہی بدل گیا، دونوں نے ذمہ داری سے بیٹنگ کرتے ہوئے لاہور قلندرز کو جیت کی جانب بڑھنے سے روک دیا اور ٹیم کو 100 رنز کی قابل قدر شراکت فراہم کرکے فتح کی ڈگر پر ڈال دیا۔

19.1 - catch drop 19.2 - clean bowled Last over DRAMA continues in Abu Dhabi.#HBLPSL #KHELDEEWANOKA #LQvPZ pic.twitter.com/oerF9hZaim
— PakistanSuperLeague (@thePSLt20) March 5, 2019

ڈیرن سیمی آخری اوور میں وان ٹین ڈوئچے کی گیند پر 46 رنز بنا کر بولڈ ہوگئے تاہم مصباح الحق 2 چھکوں اور 4 چوکوں کی مدد سے 55 گیندوں پر 59 رنز بنا کر ناقابل شکست رہے، تجربہ کار بین الاقوامی کھلاڑیوں کے علاوہ کوئی بھی بلے باز ڈبل فیگر میں داخل نہیں ہوسکا۔

Spirit of Cricket ?#HBLPSL #KhelDeewanoKa #LQvPZ pic.twitter.com/ogxhvVn0Gw
— PakistanSuperLeague (@thePSLt20) March 5, 2019

لاہور قلندرز کی جانب سے شاہین آفریدی نے 3، راحت علی، ڈیوڈ ویزے اور ریان ٹین ڈوئچے نے ایک ایک کھلاڑی کو آؤٹ کیا۔

مصباح الحق کو ذمہ داری بیٹنگ پر میچ کا بہترین کھلاڑی قرار دیا گیا۔

Magnificent @captainmisbahpk is the Man of the Match for his match winning knock.#HBLPSL #KhelDeewanoKa #LQvPZ pic.twitter.com/YQnIJjVcht
— PakistanSuperLeague (@thePSLt20) March 5, 2019

پشاور زلمی 12 پوائنٹس کے ساتھ ایک بار پھر ٹیموں کی پوزیشن میں پہلے نمبر پر آگئی، کوئٹہ گلیڈی ایٹرز بھی 12 پوائنٹس حاصل کرکے دوسری پوزیشن پر ہے۔

آج کا دوسرا میچ کوئٹہ گلیڈی ایٹرز اور اسلام آباد یونائیٹڈ کے درمیان ہے، سرفراز جیت کے ساتھ ایک بار پھر پوائنٹس ٹیبل پر ٹاپ پوزیشن حاصل کرسکتی ہے۔