بھارتی پائلٹ کی واپسی پاکستان کے شایان شان عمل ہے،ترک صدر

ترکی کے صدر رجب طیب اردوگان کا کہنا ہے کہ ترکي پاک بھارت کشيدگي ميں کمي کے ليے اپني ذمہ داري ادا کرنے کو تيار ہے، پاکستانی وزیراعظم عمران خان کی تعریف کرتے ہوئے ترک صدر کا کہنا تھا کہ پاکستان نے بھارتی پائلٹ کو واپس کرکے بڑے پن کا ثبوت دیا،جو پاکستان کے شایان شان عمل ہے۔

اپنے تازہ انٹرویو میں ترک صدر طيب اردوگان کا کہنا تھا کہ کشيدگي ميں کمي دونوں ملکوں کے مفاد ميں ہے، بھارتي پائلٹ کي واپسي پر پاکستان کي تعريف کرتے ہوئے انہوں نے کہا کہ اس عمل کي جتني تعريف کي جائے کم ہے۔

انہوں نے کہا کہ حالیہ کشیدگی پر پاکستان کے وزیراعظم اور صدر سے بات ہوئی اور ترکي کشيدگي ميں کمي کے ليے اپني ذمہ داري ادا کرنے کيلئے تيار ہے۔

#BREAKING Escalating tension between #India and #Pakistan helps no one, says Turkish President #Erdogan pic.twitter.com/7UF4W6Y79W

— ANADOLU AGENCY (ENG) (@anadoluagency) March 2, 2019

#Breaking | Turkish President Erdogan hails Pakistan handing over Indian pilot, looks to see similar steps from India

— ANADOLU AGENCY (ENG) (@anadoluagency) March 2, 2019

دوسری جانب بھارت کی جانب سے امن کوششوں کا مثبت جواب نہ ملنے پر سعودی وزیر خارجہ عادل الجبیر نے دورہ پاکستان موخر کر ديا۔