پی ایس ایل میں آج بھی دو میچز کھیلے جائیں گے

پاکستان سپر لیگ سیزن 4 میں آج پہلا میچ اسلام آباد يونائيٹڈ اور پشاور زلمي کے درمیان کھیلا جائے گا جبکہ دوسرے میچ میں ملتان سلطانز اور کوئٹہ گليڈي ايٹرز آمنے سامنے ہوں گے۔

پی ایس ایل پوائنٹس ٹیبل پر پشاور زلمی پہلے، اسلام آباد یونائیٹڈ دوسرے، کوئٹہ گلیڈی ایٹرز تیسرے جبکہ ملتان سلطانز چھٹے نمبر پر موجود ہے۔

پی ایس ایل 4 : پشاور زلمی نے ملتان سلطانز کو 7 وکٹ سے شکست دیدی

ایونٹ میں اب تک پشاور زلمی، اسلام آباد یونائیٹڈ اور کوئٹہ گلیڈی ایٹرز 4 میچز جیتنے میں کامیاب رہے ہیں جبکہ ملتان سلطانز کو صرف 2 میچز میں کامیابی حاصل ہوئی۔

دونوں میچز دبئی انٹرنیشنل کرکٹ اسٹیڈیم میں کھیلے جائیں گے، پہلا میچ شام ساڑھے 4 بجے اور دوسرا میچ رات 9 بجے شروع ہوگا۔

پی ایس ایل 4 : کراچی کنگز نے لاہور قلندرز کو 5 وکٹ سے ہرادیا

گزشتہ روز کھیلے گئے دو میچز میں پشاور زلمی نے ملتان سلطانز کو 7 وکٹوں اور کراچی کنگز نے لاہور قلندرز کو 5 وکٹوں سے شکست دی تھی۔