پی ایس ایل 4 : کراچی کنگز کا اسلام آباد یونائیٹد کو جیت کیلئے 169 رنز کا ہدف

پاکستان سپر لیگ 4 کے میچ میں کراچی کنگز نے بابر اعظم اور لیونگ اسٹون کی نصف سنچریوں کی بدولت اسلام آباد یونائیٹڈ کو جیت کیلئے 169 رنز کا ہدف دیا ہے۔ رومان رئیس نے 3 کھلاڑیوں کو آؤٹ کیا۔

پی ایس ایل 4 کے 18ویں میچ میں اسلام آباد یونائیٹڈ نے ٹاس جیت کر فیلڈنگ کا فیصلہ کیا، کراچی کنگز نے مقررہ 20 اوورز میں 7 وکٹوں کے نقصان پر 168 رنز بنائے۔

Cousin Goals! Leading run scorers of the #HBLPSL 2019@Umar96Akmal 2⃣0⃣1⃣ runs@babarazam258 2⃣0⃣1⃣ runs#KhelDeewanoKa pic.twitter.com/wVqU5pNMse

— PakistanSuperLeague (@thePSLt20) February 27, 2019

کراچی کنگز کے بابر اعظم اور لیونگ اسٹون نے شاندار نصف سنچریاں اسکور کیں، اسٹون نے 31 گیندوں پر 56 رنز کی اننگز کھیلی جس میں 5 چوکے اور 4 چھکے شامل تھے، بابر اعظم 10 چوکوں کی مدد سے 68 رنز بناکر آؤٹ ہوئے۔

آخری 5 اوورز میں کراچی کنگز کی 5 وکٹیں صرف 34 رنز کے اضافے سے گر گئیں، کولن منرو 4، کولن انگرام 13، بین ڈنک 12، عماد وسیم 2، عامر یامین 3 اور محمد عامر 6 رنز بنا کر آؤٹ ہوئے۔

A delightful knock from @babarazam258 and a remarkable comeback of @IsbUnited bowlers were the highlights of the innings. Can @KarachiKingsARY defend 169 or will it be #SherKiDhaar aik aor bar? LIVE: https://t.co/AvvNVO1kH6#HBLPSL #KhelDeewanoKa #KKvIU pic.twitter.com/zcnlCZn8JG

— PakistanSuperLeague (@thePSLt20) February 27, 2019

اسلام آباد یونائیٹڈ کی جانب سے رومان رئیس نے 3، فہیم اشرف، شاداب خان اور عماد بٹ نے ایک ایک کھلاڑی کو آؤٹ کیا۔

کراچی کنگز پوائنٹس ٹیبل پر سب سے آخری نمبر پر ہے جبکہ اسلام آباد یونائیٹڈ 6 پوائنٹس کے ساتھ تیسرے نمبر پر ہے۔