سعودی عرب، زائرین اب آن لائن اجازت نامہ حاصل کر سکیں گے

سعودی عرب کی حکومت کی جانب سے زائرین کو سفر کا اجازت نامہ آن لائن حاصل کرنے کی سہولت فراہم کر دی گئی ہے۔

غیر ملکی خبر رساں ایجنسی کی جانب سے جاری رپورٹس کے مطابق سعودی محکمہ پاسپورٹ نے آن لائن زائرین کو سفر کا اجازت نامہ حاصل کرنے کی سہولت فراہم کردی ہے۔

سعودی محکمہ پاسپورٹ کا کہنا ہے کہ سفر کا اجازت نامہ ابشر سے حاصل کیا جا سکے گا، یہ اجازت نامہ ایک یا زیادہ مرتبہ سفر کے لئے بھی حاصل کیا جا سکے گا۔

اس میں سفر کی شروعات اور واپسی کی تاریخ تحریر کرنا ہوگی، جب کہ ان ممالک کے نام بھی تحریر کرنا ہوں گے جہاں کا سفر کرنا مقصود ہوگا۔ سفر کا اجازت نامہ حاصل کرنے کے لئے محکمہ پاسپورٹ سے رجوع کرنے کی ضرورت نہیں ہوگی۔

محکمہ کا کہنا ہے کہ مقامی شہری اور مقیم غیر ملکی یہ سہولت حاصل کرنے کے لئے اپنا اندراج محکمہ پاسپورٹ میں کرا لیں۔