والد، بھائی اور پھپھو کا نام ای سی ایل میں ڈالنے پربختاورکی کڑی تنقید

Dec 28, 2018

جعلی اکاؤنٹس کیس میں بلاول بھٹو اور آصف زرداري کا نام ایگزٹ کنٹرول لسٹ ميں شامل کرنے پربختاور بھٹو کا ردعمل آگیا۔

سماجی رابطوں کی ویب سائٹ ٹوئٹر پرحکومت کو کڑی تنقید کا نشانہ بناتے ہوئے بختاور بھٹو نے لکھا کہ منتخب نمائندوں کا نام سليکٹڈ گورنمنٹ نے اي سي ايل ميں ڈال ديا۔ يہ ہتھکنڈے نہيں چليں گے۔

 

بختاور نے والد ،بھائی اور پھہھو فریال تالپر کی حمایت کرتے ہوئے عزم ظاہر کیا کہ ہم لڑيں گے اور کامياب ہوں گے، پي ٹي آئي اپنے جعلي مينڈيٹ کو نہيں چھپاسکے گي۔ مشرف کی باقیات سے بھری کابینہ کو یاد نہیں ہوگا کہ ہمارے خاندان نے ہمیشہ ذلت پر موت کو ترجیح دی۔

 

جعلی اکاؤنٹس کیس: آصف زرداری، بلاول سمیت 172 افراد کا نام ای سی ایل میں شامل

واضح رہے کہ سندھ میگا منی اسکینڈل کے تحت جعلی اکاؤنٹس کیس میں آصف زرداری، صاحبزادے اور چیئرپرسن پیپلز پارٹی بلاول بھٹو، ہمشیرہ فريال تالپور کے نام ای سی ایل میں ڈال دیے گئے ہیں۔

حکومت نے گزشتہ روز وفاقی کابینہ کے اجلاس میں جے آئی ٹی کی رپورٹ میں شامل 172 افراد کے نام ای سی ایل میں ڈالنے کا فیصلہ کیا تھا۔

 

FARYAL TALPUR

BILAWAL BHUTTO

ASIF ZARDARI

ECL

Tabool ads will show in this div