پاکستان کے وزیر خارجہ شاہ محمود قریشی نے متحدہ عرب امارات کے مالی تعاون پر دوست ملک کا شکریہ ادا کیا۔ واضح رہے کہ یو اے ای کے ابوظبی فنڈ فار ڈیولپمنٹ نے آج جمعے کو پاکستان کے زرمبادلہ کے ذخائر کے لیے تین ارب ڈالر دینے کا اعلان کیا ہے۔ یو اے ای کے اعلامیہ کے مطابق تین ارب ڈالر کا پیکج پاکستان کو زرمبادلہ کے ذخائر بڑھانے کیلیے دیا جائے گا اور رقم چند دنوں میں اسٹیٹ بینک میں منتقل کر دی جائے گی۔ متعلقہ خبر: خوشخبری: دباؤ کا شکارپاکستانی معیشت کو بڑاسہارا مل گیا سماجی رابطوں کی ویب سائیٹ ٹوئیٹر پر دوست ملک کے اس فیصلے پر تبصرہ کرتے ہوئے وزیر خارجہ نے کہا کہ دوست ملک نے مشکل کے اس لمحے میں پاکستان کا ساتھ دیا، اس پر ہم ان کے شکر گذار ہیں۔ شاہ محمود قریشی نے کہا کہ اس فیاضانہ تعاون پر ہم ولی عہد محمد بن زید کے شکرگذار ہیں۔ ٹویٹ میں وزیر خارجہ نے کہا کہ خیر سگالی کا یہ جذبہ پاکستان اور متحدہ عرب امارات کے درمیان قریبی بر ادرانہ تعلقات کا مظہر ہے، دونوں ممالک مشکل کی ہر گھڑی میں شانہ بشانہ رہے۔

We thank Crown Prince H.H @MohamedBinZayed for his generous financial support of US$ 3 Billion. This is a manifestation of the close fraternal ties between Pakistan & UAE which have always stood the test of time.

— Shah Mahmood Qureshi (@SMQureshiPTI) December 21, 2018

ابوظبی فنڈ فار ڈیولپمنٹ کی جانب سے جاری کردہ اعلامیہ کے مطابق پاکستان کی معاشی پالیسی کے لیے یو اے ای کی امداد دونوں دوست ممالک کے درمیان دیرپا تعلقات پر مبنی ہے، اور اس خواہش کا اظہار ہے کہ دونوں ممالک کے درمیان دوطرفہ تعاون میں مزید بہتری آئے۔ متعلقہ خبر:نیا پاکستان ہاؤسنگ پروگرام، 50 لاکھ گھروں کی تعمیر کے امکانات روشن اعلامیہ کے مطابق، ابوظبی فنڈ فار ڈیولپمنٹ نے پاکستان میں 8 ترقیاتی منصوبوں کے لیے 1.5 ارب امارتی درہم اعانت کی ہے، جس میں 931 ملین امارتی درہم امداد کی مد میں ہیں۔ یہ منصوبے توانائی، صحت ، تعلیم اور سڑکوں کی تعمیر کے ہیں۔